Пащэу уиIэщтым ихэдзын Iоф къызэрыкIоп. Тиреспубликэ иобщественнэ движениеу «Адыгэ Хасэм» ихэсашъхьэ зэхэсыгъоу тхьаумафэм иIагъэм Сирием зэо-банэу щыкIорэм щытегущыIагъэх. Зэхэщэн Iофыгъохэм ащыхаплъэхи, Адыгэ Хасэм ­итхьаматэу Бэ­гъушъэ Адамэ зы­кIыны­гъэ ахэ­лъэу щы­ха­дзыгъ.

Адыгэ Республикэм и Адыгэ Хасэ изэфэс зэрэхигъэунэфыкIырэмкIэ, Сирийскэ Арабскэ Республикэу адыгабэ зыщыпсэурэм хэгъэгу кIоцI политикэ гумэкIыгъошхоу илъ хъугъэм IэкIыб къэралхэм яIоф къызэрэхалъхьэрэм къыхэкIэу непэ Iэшэ зэпэуцужьыныгъэм нэсыгъ.

БлэкIыгъэ мазэм Адыгэ интернет агенствакIэ лажьэу ыублагъ, ар «Адыгэ Хэкум и Макъ. Голос Черкесии» зыфиIорэр ары, www.hekupsa.com,. Сайтым Адыгэ Хэкум ыкIи диаспорэм къыщыхъурэ къэбар шъхьэIхэр, АдыгабзэкIэ ыкIи УрысыбзэкIэ тхыгъэхэр къыратхэ. Адыгэ Iофым ехьылIагъэ видеохэр, Адыгэ Хабзэм ехьылIагъэ тхыгъэхэр ыкIи нэмыкIхэр сайтым къырагъауцо. Сайтыр зигъэлажьэрэр Адыгэ Хэкум изэфэшъхьэф шъолъырхэм ащыщ Адыгэ ныбжьыкIэхэр ары.

Мэзаем и 11 Адыгэ Республикэм щылажьэрэ движениеу «Адыгэ Хасэ Черкес Парламент» зыфиIорэм Мыекъуапэ зэфэс щыригъэкIокIыгъ. Ащ хэлэжьгъэх Адыгеим изэфэшъхьэф шъолъырхэм къарикIыгъэ лIыкIохэр, ахэр 500 фэдиз хъущтыгъэ, мыхэм нэмыкIэу зэфэсым хьакIэ фэдэу къекIолIагъ 500 фэдиз. ТIори зэхэтэу зэфэсым 1000 фэдиз хэлэжьагъ.

Щылэмазэм и 22 Адыгеим щылажьэрэ движениеу «Адыгэ Хасэ – Черкес Парламент» зыфиIорэм ихэсашъхьэ Мыекъуапэ зэхэсыгъоу щриIагъэм зэдащтагъэ, мэзаим и 11 сыхьатэ 11.00 Мыекъуапэ Адыгэ лъэпкъ зэфэс ашIынэу. Зэфэсыр зыфэгъэхьыгъэр Сирием щыпсэурэ Адыгэхэм яIоф зытетыр ыкIи ащ узэрэпэгъокIыщт шIыкIэхэр.

ТхьэкIушынэ Аслъэнджэрий мэрем кIуам республикэм и Iэтащхьэ къулыкъум пэрыувэжащ икIи Адыгейм и конституцэм и ипкъ иткIэ правительствэр зэбграгъэкIащ.

Мазэ I0 хъугъэ Сирием бырсырхэр зэрэщыIэр, ащ цIыф мин пчъагъэу хэкIодагъэм Адыгэхэр хэтых. Мазэ ипэкIэ Сирием щыщ Адыгэ куп лъэIу тхылъкIэ зыкъыфагъэзэгъагъ УФ ипащэхэм, Адыгэ Республикэхэм я пащэхэм ыкIи Адыгэ Хасэу щыIэхэм Адыгэ Хэкум ащэжьынхэу.
Шъыпкъэр пIощтмэ лъэIу тхылъэр къагъэхьыгъэ нэмыIоу Адыгэ Республикэм ипрезиденти, ипарламинти, Адыгэ Хасэри занкIэу лъэкIэу яIэмкIэ Iофым дэлажьэхэу аублагъ, мафитIу ипэкIэ Къэбэртае-Бэлкъар республикэм ипрезидент Къаныкъо Арсен Сирием ис Адыгэхэм зэрафэгумэкIырэр, IэпыIэгъу зэрафэхъущтыр къиIуагъ. Мыхэм янэмыкIэу Дунаем тет зэфэшъхьэф Адыгэ организациехэм зыгорэ зэрэшIэгъэн фаер къаIуагъ. КIэкIэу къатIомэ Адыгэхэр мы Iофым зэрэфэгумэкIхэрэр гъэнэфагъэ ау къыхэзыгъэщынэу сызыфаер мы Iофым икъоу Iоф дэтэшIа? Зэгъэфагъэу Iоф дэтэшIа ? мыщ фэдэ гузэжъогъумэ тыдэлэжьэнэу тыфэхьазыра ? Хьэу, икъоу Iоф датшIэрэп, хьэу, зэгъэфагъэу тыдэлажьэрэп, хьэу, гузэжьугъум тыфэхьазырып. Ар шъыпкъэ Адыгэ пстэури Сирие Адыгэхэм ехьылIагъэу зэрэгумэкIыхэрэр ау фэхьазырыхэп дэлэжьэнхэу.
Ада сыд тшIэщтыр тапэкIэ мыщ фэдэ гузэжьугъухэм тафэхьэзырыным фэшъкIэ?

Къэбэрдей-Балъкъэр Республикэм и къэрал ныпымрэ адыгэ ныпымрэ Африкэм и бгы нэхъ лъагэ дыдэм – Килиманджарэ и щыгум аргуэру щIышылэм и 10-м щиIэтащ республикэм и альпинисткэ цIэрыIуэ Мэз Каринэ.

«Нэхъ япэкIэ метр 5895-рэ зи лъагагъ Килиманджарэ бгым си хэкуэгъухэу Жэман Ахьмэдрэ Джаппуев Адейрэ дэкIауэ щытащ. Сэ гъуэгуанэ сыщытеувам икъукIэ щIыIэт, жьышхуэ къепщэрт, ауэ ди гупым ди мурадыр къыдэхъулIащ», – къытхуи-Iуэтэ¬жащ альпинистхэм я унафэщIу щыта Каринэ. Ар Африкэм и лъагапIэ нэхъыщхьэм тету ди республикэм и цIыхухэм илъэсыщIэмкIэ къехъуэхъуащ.

Къэбэртае-Бэлкъар Республикэм ипрезидентэу Къаныкъо Арсен щылэмазэм и 15 Налчик пресс конфенинциеу щыш1ыгъэм Сирием щыпсэурэ Адыгэхэр Адыгэ Хэкум къызэрагъэзэжьыщтыр нахь IэшIэхэу шIыгъэн фаеу къиIуагъ.

Мы Iофым ехьылIагъэу Къэбэртае-Бэлкъарым ипарламент джэпсалъэ Урысие Федерацием ипезидент фигъэхьынэу ары Къаныкъом джурналистхэм ариIуагъ.

Сирием щыпсэурэ Адыгэхэр Адыгэ Хэкум къагъэзэжьыным утещынахьынэу щытэп ыкIи ахэр УФ зэрэготхэр, хэкужъыр шIу зэралъэгъурэр Къаныкъом игущыIэхэм къахигъэщыгъ.

Тыркуем щылажьэрэ «Кавказ Федерацие» зыфиIорэм исайт зэритымкIэ, КАФФЕД-м джырэблагъэ илIыкIохэр Сирием игъэкIощтых. Ахэр Сирием щыпсэурэ Адыгэхэм яIоф зытет зэрагъэшIэнэу ары.
Сирием илIыкIоу (посол) Стамбул дэсымрэ ыкIи Тыркуем иIэкIыб къэралыгъо IофхэмкIэ иминистерырэ Сирием щыпсэурэ Адыгэхэм ехьылIагъэу тхьапэкIэ КАФФЕД-м зафигъэзагъэу сайтым къытхы.

Щылэмазэ и I3 Кавказ Федерацием итхьэматэу Уаджит Къадюглу Урысие Федерацием илIыкIоу Тыркуем щы1эм Владимир Ивановскэм IукIагъ. Сирием щыпсэурэ Адыгэхэм ящыщ горэхэр Адыгэ хэкум къэкIожьынхэу зэрэфаехэр, ахэм лъэIу тхылъкIэ УФ ипащэхэм зэрэзыфагъэзагъэр Къадюглум Ивановскэм риIуагъ ыкIи мы Iофыр УФ ипащэхэм анигъэсынэу елъэIугъ.

Тыгъэгъазэм и 4 Туркуем щылажьэрэ «Кавказ Федерацие» зыфиIорэм Анкара зэфэсэу щыриIагъэм хэлэжьагъэх Адыгэ Хасэ 60 фэдизы ялIыкIохэр.

Зэфэсым мы аужьырэ илъэсищым Федерацием игъэцэкIагъэхэм тегущыIагъэх, тапэкIэ агъэцэкIэщтым тегущыIагъэх ыкIи хэдзынхэр ашIыгъ.
Федерацием исовет хэтытхэр хадзыгъэх ыкIи федерацием итхьэматэу хадзыгъ Важита Кадюглу . Мы аужьырэ илъэс 6 федерацием итхьэматагъэу Джихан Джандамир хэдзынхэм ихьагъэп.

Тыгъэгъазэм и 30 Адыгеим ит къуаджэу Тахьтамэкъуае митинг щашIыгъ, ар зыфэгъэхьыгъэр Сирием ис Адыгэхэр Адыгэ хэкум къэщэжьынхэм пае. Митингым кIэщакIоу фэхъугъэр Тахътымыкъуае щылажьэрэ Адыгэ хасэр ары.
Митингым кIалэцIыкIухэри хэлэжьагъэх, ахэм Адыгэ ныпхэр яIыгъэу Сиием ис Адыгэхэр Адыгэ хэкум къащэжьынхэу къаIуагъ, плакатэу яIыгъэхэм мыщ фэдэ гущыIэхэр ятетхэгъагъ « Хэкур Къэджэжьы» «Адыгэ Лъэпкъыр Орэпсау».

Щылэмазэм и 7 пчъэдыжьым НалъчиккIэ зыкIалэгорэ Чеченов Алим ицIэу урамым тет полицие уплъэхьапIэгорэм Iутыгъэ полициехэм къахэлъади зы полициегорэм иIащэ автомат къытрихыи адрэхэм къазыхаом, полицие нэбг 2 ыукIыгъ, нэбг 4 ыуIагъ, ежь полициехэм ащыщгорэ къеожьы Чеченовэр ыукIыгъ,- агенствэу "Кавказский Узел" къетхы.
Полициеу укIыгъэхэр илъэс 31 зыныбжэу летенантэу Хусен Мамишев, илъэс 35 зыныбжьэу инспекторэу Хасан Шхагапсоев.

Сирием ис Адыгэ нэбг 80 фэдиз лъэIу тхылъкIэ зыфагъэзагъ УФ ипащэхэм, Адыгэ Хэгъэгухэм япащэхэм ыкIи Адыгэу хэкум исхэм.

УФ-м имэз хъызмэт и ГъэIорышIапIэу АР-м щыIэм игумэкIыгъохэм, щыкIагъэу иIэхэм Адыгеим и ЛIышъхьэ зыхэлэжьэгъэ зэIукIэм щытегущыIагъэх. Гъэзетэу «Адыгэ макъ» зыфиIорэм къызэритырэмкIэ, зэхэсыгъом хэлэжьагъэх мэз хъызмэтым пылъхэм яобществэ итхьаматэу Хьатикъое Мэджыдэ, мэз хъызмэтым иветеранхэм я Совет ипащэу АфэшIыжь Къэралбый, МКъТУ-м ипрофессорэу Юрий Сухоруких.
Мэз хъызмэтым щылажьэхэрэм фэгъэкIотэныгъэу яIагъэхэр нахь макIэ зэрэхъугъэр, отраслым гумэкIыгъэу иIэхэр мэз хъызмэтым и Кодекс иаужырэ зэхъокIыныгъэхэм къызэрахэкIыгъэр зэхэсыгъом къыщыгущыIагъэ Хьатикъое Мэджыдэ къыкIигъэтхъыгъ. ХэкIыпIэу ылъэгъухэрэм зэхэсыгъом хэлэжьагъэхэр щигъэгъозагъэх.