В.Ардзинба идунай зэрихъожьыгъэр абхъазым ишъхьафитныгъэ фэбэнагъэхэм гухэк1ышхо ащэхъу Абхъаз Республикэм ипрезидент фэгъэхьыгъэ телеграмм Абхъазым иапэрэ президентыгъэу, политик ц1эры1оу Владислав Ардзинба идунай зэрихъожьыгъэр гухэк1 ащыхъоу абхъаз лъэпкъым фэтхьаусыхэх Абхъаз Республикэм икъотэгъухэм ясоюзэу Къэбэртэе-Бэлъкъарым щы1эм хэтхэр. Абхъазым ишъхьафитныгъэ тыфэбанэ зэхъум ар тидзэ пэщэ шъхьэ1агъ, къиныри гуш1уагъори къыддигощыщтыгъ, абхъазым ишъхьафитныгъэ пае зэуагъэхэм ар ныбджэгъуш1оу агу къинэжьыщт. Владислав Ардзинба ыц1э адыгэ-абхъаз зык1ыныгъэм итамыгъэу ренэу щытыщт. Абхъазым ишъхьафитныгъэ фэбэнагъэхэм ясоюзэу Къэбэртэе-Бэлъкъарым щы1эм итхьэматэу Бекшоков Алексей.

03/03/10 - Тыркуем изэфэшъхьэф шъолъырхэм мазэ къэс адыгэ ныбжьык1э зэхэсхэр щызэхащэх, аужьырэр къалэу Бига щы1агъ. Къак1орэ зэхэсыр къалэу Балаксир щы1эщт.

ЩIышылэм и 28-м Къэбэрдей Адыгэ Хасэм и хэщIапIэм щызэхэтащ Адыгэ жылагъуэ зэгухьэныгъэхэм я зэзыгъэуIу советым и зичэзу зэIущIэ. ЯПЭ УПЩIЭУ абы къыщаIэтащ жылагъуэ лэжьакIуэ икIи псапащIэ цIэрыIуэ Уэхъутэ Александр пцIы къытралъхьауэ Краснодар щыIэ СИЗО-м зэрыщаIыгъым теухуа псалъэмакъыр

Тыркуем ит Кавказ Хасэхэм я Федерацие итхьэматэу Джихьан Джандамир къэралыгъом иполитическэ партие зэфэшъхьафхэм зэIукIэгъухэр адыриIагъэх. "Демократие партиер" зыфи1орэм итхьэматэ мэзаим и 5-м IукIагъ. Джащ фэдэу, "Тыркуем ипартие" ипащэ мазайм и 8-м зэ1ук1эгъу дыри1агъ. Адыгэхэм яхьылIэгъэ Iофыгъохэм ахэр атегущыIагъэх. (kafkasfederasyonu.org)

Иорданием "Адыгэ УпчIэр" зыфиIорэ тхылъыр къыщыдэкIыгъ "Адыгэ УпчIэр (ГумэкIыгъор)" ыцIэу Иорданием тхылъ къызщыдагъэкIыгъэр тхьэмэфитIу хъугъэ. Ар зиIофшIагъэр мы хэгъэгум щыпсэурэ адыгэ тхакIоу, Иорданием итхакIохэм ясоюз хэтэу Азыкъо Мухьамэд. Тхылъым икъыдэгъэкIын хэлэжьагъ Иорданием ит Адыгэ Хасэр. Тхылъым илъэтегъэуцоу Адыгэ Хасэм иунэ щашIыгъэм хэлэжьагъэх принцэу Асим Бин Наифрэ принцессэу Сана Асимрэ, тхакIохэр, хасэм хэтхэр ыкIи нэмыкIхэр. "Мы тхылъэр стхынэу пшъэрылъ стелъэу слъытэщтыгъэ тятэжъхэу хэкум пае зыпсэ зыгъэтIылъыгъэхэм ацIэкIэ. Тхылъыр непэрэ дунаим къыдиштэу научнэу гъэпсыгъэ". - къэгъэлъэгъоным къыщиIуагъ Азыкъо Мухьамэд. Общественнэ IофышIэу Исмаил Бандура тхылъыр дэгъоу зэрэтхыгъэр къыIуагъ, шIэныгъэ лъапсэ зэриIэр ыкIи адыгэ тарихъым куоу зэрэхаплъэрэр къыхигъэщыгъ. Къэралыгъоу зыщыпсэухэрэм адыгэхэр ахэзагъэх нахь мышIэми, ялъэпкъ къаухъумэным зэрэдэлажьэхэр тхылъым къегъэлъагъо. Инженерэу, общественнэ IофышIэу Джэлыкъо Камал къэгъэлъэгъоным къыщиIуагъ: "Мы аужьырэ илъэсхэм адыгэхэр нахь къызэрэущыхэрэм, ялъэпкъ Iофхэм нахь афэщагъэу зэрэхъухэрэм мы тхылъым икъыдэгъэкIын къеушыхьаты. Адыгэ гумэкIыгъохэр зэрэщыIэхэр, зэрымыкIосагъэхэр, Урыс-Кавказ заом епхыгъэ Iофыгъохэр нахь гъэнэфагъэу тхылъым къегъэлъагъох." Тхылъыр лъэпкъым инеущырэ мафи къызэрэтегущыIэрэр Джэлыкъом къыхигъэщыгъ. КъэIогъэн фае, Азыкъо Мухьамэд I988-рэ илъэсым тхылъэу "Ос шIуцIэ", I998-рэ илъэсым тхылъэу "КIымафэм гъатхэр къегъэхъу" зыфиIохэрэр ыкIи нэмыкIхэри къыдигъэкIыгъэх.

Щылэ мазэм и 24-м Тыркуем ит Кавказ Хасэхэм я Федерацие ихэсашъхьэ зимычэзэу зэхэсыгъо къалэу Анкара щыри1агъ. 1оф зэфэшъхьафхэм ащ щатегущы1агъэх. Ахэр Федерацием имылъку, журналэу Нартым, Темыр Кавказым шъолъырык1эу щагъэпсыгъэм, непэрэ мафэм Кавказым изытет ык1и Адыгэ Хасэхэм нахь ц1ыфыбэ ахэщэгъэным япхыгъэх. Мыхэм адэлэжьэщт комитетхэр зэхащагъэх, мэзаим и 28-м хэсашъхьэм изэхэсыгъо къалэу Дюздже щызэхащэнэу рахъухьагъ. Натпресс(kafkasfederasyonu.org)

09/01/10-м Каффедым иегъэжьэнк1э шъолъырэу Мармэрэ ныбжьык1э зэхэс щызэхащагъ, Каффедым ил1ык1оу Жанэ Щамил зэхэсэр зэрищагъ. Ныбжьык1эхэр лъэпкъ 1офхэм зэрахэлэжьэщт ш1ык1эхэм атегущы1агъэх.

2010 чъэпыогъум, УФ-м къыщек1ок1ыщт к1этхык1ыным ехьыл1агъэу сайт купрэ хасэ купрэ зэхэтыхэу сайт къызэ1уахыгъ. Пшъэрылъ зыфаш1ыжьыгъ, Адыгэу УФ-м щыпсэухэрэ пстэуми я лъэпкъыц1э Урыск1э «Черкес» Адыгэк1э «Адыгэ» арагъэтхынэу. гупшысэр: зы лъэпкъ зы ц1э зы неущырэ маф»

(29.12.09, Адана-Туркие (Ф-kaffed) Туркием икъыблэ шъолъыры щыпсэурэ Адыгэ ныбжьык1эхэм, илъэсык1э мэфэк1ым пчъыхьэзэхахьэ аш1ыгъ.

(29.12.09, Къайсари-Туркие (ф-kaffed) Блэк1ыгъэ мазэм Туркием ит къалэу Къайсари дэт Адыгэ хасэм Нарт ТВ итхьэматэу Нэгъой Нарт ихьэк1агъ.

2009 илъэсым Москва дэт хасэу "Хабзэм и Нур" изэ1ук1эхэр