В жизни многих этносов есть даты, которые связаны с исторической памятью народа о трагических событиях прошлого. Для адыгов это 21 мая – День памяти и скорби по жертвам Кавказской войны. Сегодня, склоняя головы, мы вспоминаем события того времени и понимаем, что мир между людьми – это самое ценное, что может быть.
Тарихъым щыщ хъугъэ-шIагъэ гумэкIхэр къэзгъэнэфэрэ мафэхэу гум къинэжьхэрэр лъэпкъ пэпчъ иIэх. Тэ, адыгэхэм, ащ фэдэ мафэу хэдгъэунэфыкIэу тиIэр жъоныгъуакIэм и 21-рэм тефэрэ Кавказ заом хэкIодагъэхэм афэгъэхьыгъэ шъыгъо-шIэжь Мафэр ары. Илъэс пчъагъэ заом имашIо ухэтыныр щэIэгъуае. Гукъаом хэтыгъэ нахь мышIэми, лъэпкъым а уахътэ къиныр къызэринэкIыгъ, кIуачIэ къызхигъуати лъэпкъэу къэнэжьыгъ! Заоми, узыми, Iаеми амыуфагъэу, илъэс мин пчъагъэм къапхырыкIыгъэ адыгэ хабзэу, намысэу къызэтенагъэр къэтыухъумэн, дгъэлъэпIэн ыкIи къызфэдгъэфедэн фае. Непэ зэкIэми тшъхьэ тэуфэ, къыдгурыIон фаер зы – дунаим анахь лъапIэу тетыр мамырныгъэр цIыфмэ азыфагу илъыныр ары. Лъэпкъ зэгурыIоныгъэу Адыгэ Республикэм непэ илъыр ыпэкIэ тылъыкIотэнэу къытфедэ. Тикъэралыгъо хэхъоныгъэхэр ышlыным пае, лъэпкъыхэу ащ щыпсэухэрэм азыфагу мамырныгъэ дэлъэу зэдэлэжьэн фаех. Арышъ, зэгурыlоныгъоу тиlэр тэгъэлъапIэ ыкIи дгъэлъэпIэщт.
Мурат Кумпилов