06.05.2010 – 18:28 - Натпресс
Урысыем дзюдомкIэ изэнэкъокъухэу Ульяновскэ щыкIуагъэмэ илъэс 23-м нэс зыныбжьхэр ахэлэжьагъэх. Адыгеим ибэнакIохэм пэщэныгъэ адызэрихьагъ. АР-м изаслуженнэ тренерэу, республикэ ШВСМ-м итренер-кIэлэегъаджэу Бастэ Сэлымэ.
- Ульяновскэ щызэIукIагъэхэм ащыщхэр Олимпиадэ джэгунхэу 2012-рэ илъэсым Лондон щыкIощтхэм ащытлъэгъунхэу тэгугъэ, - къытиIуагъ Бастэ Сэлымэ. - Зэнэкъокъухэм текIоныгъэр къащыдэзыхыхэрэр УФ-м ихэшыпыкIыгъэ командэ рагъэблэгъэщтых.
Адыгеим ибатырэу ШъэоцIыкIу Рустамэ килограмм 73-м нэс къэзыщэчырэмэ янэкъокъугъ. Купым нэбгырэ 51-рэ хэтыгъ. Тиспортсмен ятIонэрэ чIыпIэр къыдихи, тыжьын медалыр къыфагъэшъошагъ.
Джыракъые щапIугъэ Ситимэ Азэмат кг 90-м нэс къэзыщэчырэмэ атекIуи, дышъэ медалыр къыдихыгъ, ащ итренерыр Нэгъой Рэмэзан. А. Ситимэм тигъэгушIуагъ, ау Адыгеим икомандэ зэрэхэмытыжьыр тыгу къео, Лабинскэ епхыгъэу Краснодар краим зэрэфэбанэрэм тигъэзетеджэхэр щытэгъэгъуазэх.
Дунэе турнирышхоу дзюдомкIэ Санкт-Петербург щызэхащагъэм ¬Ордэн Андзаур ятIонэрэ чIыпIэр, Урысыем иныбжьыкIэмэ язэнэкъо-
къу тыжьын медалыр къащыдихыгъэх, кг 66-рэ къэзыщэчырэмэ якуп хэт.
ШъэоцIыкIу Рустамрэ Ордэн Андзауррэ ятренер-кIэлэегъаджэр Беданыкъо Рэмэзан. Сэнаущыгъэ зыхэлъ ныбжьыкIэхэр ащ дэгъоу егъасэх, пэщэныгъэ зыдызэрихьэрэ батырхэр УФ-м ихэшыпыкIыгъэ командэхэм арагъэблагъэх.
Сурэтым итхэр: Беданыкъо Рэмэзан, Ордэн Андзаур, ШъэоцIыкIу Рустам.