22.05.2010 - 23:25 - Натпресс
Жъоныгъуак1эм (маим) и 22-м, щэджагъом, шъыгъо-ш1эжь мафэм фэгъэхьыгъэ митинг Адыгэ хэхэсхэм Урысые Федерацием ипосольствэу Истамбыл иурам шъхьа1оу Истиклал тетым дэжь щаш1ыгъ. Зэхэщэк1уагъэхэр - Тыуркуем ит Адыгэ организацие заул.
Митингым хэлэжьагъэхэм ащыщэу Цэй Метин Натпрессым къызэрэри1уагъэмк1э, нахь 1оф шъхьэ1эхэм ахэтэу къа1этыгъэхэр Адыгэ лъэпкъ гъэк1одыр ягъэштэгъэныр ык1и Шъачэ (Сочи) Олиапиадэм ищызэхэщэн зэпыгъэуныр. Ау Черкесием, Кавказым шъхьэфитынгъэ я1эн фае зы1уагъэхэри къахэк1ыгъэх.
Нэбгырэ 1500 нахьыбэ митингым хэлэжьагъ, ар рамыгъажьэ рапш1эу Истиклал урамым игупчэ шъхьа1эу Таксим зыц1эм ц1ыфхэр щызэрэугъоигъэх, ащ къик1ыхи Адыгэ быракъхэр ык1и тхыгъэхэр а1ыгъхэу зы километрэ фэдиз, Урысыем ипосольствэ нэс, къак1угъ.
Митингым полицием щыщхэр бэк1аеу 1утыгъэх ык1и ощх къещхыщтыгъэ, ау ащ емылъытыгъэу зэк1эри дахэу к1уагъэ.
Къэ1огъэн фае, къызэралъытэгъагъэу, адыгэхэу Кавказым рафыгъэхэм чылэгъо 800 ик1эрык1эу Тыркуем щаш1ыгъ. Ахэм ахэмыхьэхэу къалэ пэпчъ п1оми хъунэу адыгэ хьаблэхэр егъэт1ысыл1эгъагъэх. Нэпэ, анахь мак1эми, миллиони 3 хъухэу адыгэхэр Тыркуем щэпсэух.