01.06.2010 – 17:25 - Натпресс
Израиль ит адыгэ къуаджэу Кфар-Кама ифутбольнэ купэу чылэм ыц1э зыхьырэм щеш1эхэрэр Адыгеим къэк1онхэу загъэхьазыры. Мазэк1э узэк1эбэжьмэ я 5-рэ лигэм къыхэк1ыхи я 4-рэм ахэр хэхьагъэх, бэдзэогъум и 21-м щегъэжьагъэу хэкум ахэм зыщаухьазырыщт.
Натпрессым ипащэу Бгъанэ Али къызэри1уагъэмк1э, купым аэропортым "Интурист Адыгеи" зыфи1орэр ащыпэгъок1ыщт. Футболистхэр зэрысыщтыхэм ащ ипащэу К1ык1 Ерыстэм ына1э тыригъэтыщт.
"Гъэмафэрэ нэк1эу щытырэ общежитиехэм (унэхэм) ащыщ къэтплъыхьагъ къы1уагъ Натпрессым ипащэ. - Ащ ш1уагъэу хэлъыр псэуп1эм ыпэшъхьэ шъыпкъэ джэгуп1э ч1ып1э щыт, пчэдыжьрэ футбольнэ купым хэтхэм ащ зыщапсыхьан алъэк1ыщт".
Купэу "Кфар-Кама" зыгъэсэрэ Тхьаухъо Нат к1элэ ныбжьык1 (илъэс 34-рэ), купым ежьыри щеш1эу къыхэк1ы. Апэрэ гъэхъагъэу аш1ыгъэм къыщыуцун гухэлъ и1эп. Ащ къыхэк1эуи испортсменхэм к1э горэхэр зэрагъэш1энхэм мэхьанэ и1.
Мыекъуапэ ифутбольнэ купэу "Зэкъошныгъэм" ипащэу Натхъо Адамэ ащ фэдэ пшъэрылъ зыфеш1ыжьы. Къэ1огъэн фае, ар Израиль щы1агъ ык1и къэк1ощт купыр еш1э. Ухьазырынхэр ык1и еш1эгъухэр купхэу "Кфар-Камэрэ" "Зэкъошныгъэмрэ" зэдыря1эщтых.