13.07.2010 – 07:30 - Натпресс
Адыгэ Республикэм и Президентэу ТхьакIущынэ Аслъан Къэрэщэе-Щэрджэс Республикэм къикIыгъэхэу шIэныгъэлэжьэу, филологие шIэныгъэхэмкIэ докторэу, тхакIоу, къэралыгъо тын лъапIэхэр къызыфагъэшъошэгъэ Хьопсэрыкъо Хъызыррэ мы республикэм щыIэ Адыгэ-Хасэм и Совет итхьаматэу Щэрджэс Мыхьамэдрэ тыгъуасэ IофшIэгъу зэIукIэгъу адыриIагъ.
Лъэпкъ зэфэшъхьафхэм азыфагу илъ зэгурыIоныгъэр гъэпытэгъэным, ащкIэ къэбар жъугъэм иамалхэм яшIуагъэу къэкIон ылъэкIыщтым, нэмыкI лъэныкъохэми бгъуитIур атегущыIагъ.
Хьопсэрыкъо Хъызыр къыдигъэкIыгъэ тхылъэу «Пушкиныр ыкIи щэрджэсхэр» зыфиIорэр ипчъагъэкIэ зы мин хъоу Адыгеим шIухьафтынэу къыфишIыгъ. Урыс тхэкIо цIэрыIор Кавказым къызыкIокIэ ылъэгъущтыгъэр, ащ адыгэхэм афэгъэхьыгъэу къытхыщтыгъэхэр, тилъэпкъ тарихъэу пылъыр мы тхылъым дэплъэгъощтых.
Iофтхьабзэм хэлэжьагъ АР-м и Премьер-министрэу КъумпIыл Мурат.
Мы мэфэ дэдэм Кощхьэблэ районымкIэ къуаджэу Еджэркъуае къикIыгъэ лIыкIо купым ТхьакIущынэ Аслъан IукIагъ.
Къоджэдэсхэр зашъохэрэ псыр икъу фэдизэу къызэраIэкIэмыхьэрэр, псэу щыIэми изытет зэрэдэим ыгъэгумэкIхэу ахэр Прези¬дентым дэжь къэкIуагъэх, хэкIыпIэ горэ къафигъотынэу къе¬лъэIугъэх.
Iофыгъоу къагъэнэфагъэр къызэрыкIоу зэрэщымытыр республикэм ипащэ къыIуагъ. Ау псыр цIыфхэм аIэкIэгъэхьэгъэн зэрэфаер, ар щы¬Iэныгъэм ылъапсэу зэрэщытыр къыхигъэщызэ, гумэкIыгъо зиIэ цIыфхэм IэпыIэгъу афэхъугъэн фаеу ылъытагъ. а чIыпIэ дэдэм унэшъо гъэнэфагъэхэри фишIыгъэх АР-м мэкъу-мэ-щымкIэ иминистрэу зэIукIэгъум хэлэжьэгъэ Юрий Петровым. Псыр къызэрычъырэ колонки 4 - 5 къуа¬джэм иурамхэм охътэ кIэкIым къыкIоцI щагъэуцунэу Президен¬тым къафигъэпытагъ. Нэужым мы Iофыгъом джыри зэ къыфагъэзэжьы¬нышъ, ар икъоу зэрагъэцэкIэ¬щтым-
кIэ къоджэдэсхэр республикэм ипащэ къыгъэгугъагъэх.
ТХЬАРКЪОХЪО Адам – Адыгэ Макъ