Адыгэхэм я Мафэу Европэм и Парламент шыIэштым хэлажьэхэрэм афэкIорэ джэпсалъ » Адыгея - Новости, события, комментарии, факты

» » Адыгэхэм я Мафэу Европэм и Парламент шыIэштым хэлажьэхэрэм афэкIорэ джэпсалъ
Адыгэхэм я Мафэу Европэм и Парламент шыIэштым хэлажьэхэрэм афэкIорэ джэпсалъ 15:07 Суббота 0 2 560
27-11-2010, 15:07
В Мире 2 560 0

Адыгэхэм я Мафэу Европэм и Парламент шыIэштым хэлажьэхэрэм афэкIорэ джэпсалъ


Адыгэхэм я Мафэу Европэм и Парламент шыIэштым хэлажьэхэрэм афэкIорэ джэпсалъ



Европэ Парламентым идепутатхэу лъытэныгъэ зыфэсшIыхэрэр, силъэпкъэгъу лъапIэхэр!

Адыгэхэм я Мафэу ятфэнэрэу Европэ Парламентым мы аужырэ илъэсхэм хэбзэшIу щыхъугъэм хэлажьэхэрэм шIуфэс лъапIэ ясэхы.

Джырэ адыгэ культурэм игъэхъагъэхэм Европэм нэIуасэ зэращыфашIыхэрэм, тилъэпкъ икультурэ, ишэн-хабзэхэм якъэухъумэн, ыкIи ахэм хэхъоныгъэ ягъэшIыгъэным, адыгэхэмкIэ тинепэрэ мафэ изытет Европэм зэращытегущыIэхэрэм тилъэпкъкIэ мэхьанэшхо иIэу щыт.

Адыгэхэр европэм илъпкъхэм зэу ащыщ. Тарихъ гъогоу къэткIугъэм, тихэбзэзэхэтыкIэ, тидунэееплъыкIэ, тищыIэныгъэ зэрагъэпсыщтыгъэ ыкIи джыдэдэм къызэрэзэтенэжьыгъэм ар нафэу къаушыхьаты. Гурыт лIэшIэгъухэм ялъэхъан Адыгэ хэгъэгур (Черкесиер) дэх имыIэу европэ хэбзэзэхэтыкIэм рыгъозэрэ хэгъэгоу щытыгъ. Адыгэ лIэкъолъэшхэм ялIыблэнагъэ, якультурэшхо, яIэдэбныгъэ ин зэрэдунаеу дэгъоу щызэлъашIэ. Ахэр ары тилъэпкъ къызэрашIэжьырэ нэшанэу тарихъым хэхьагъэхэр.

Адыгэ хэгъэгур конфедеративнэ лъапсэм тетэу псэущтыгъэ. Тильэпкъ цIыфым ишхъафитныгъэ сыдигъуи осэшхо ритыщтыгъ.

Я ХVIII-рэ лIэшIэгъум ыкIэхэм адэжь Францием ипачъыхьэ зытырадзым Адыгэ хэгъэгуми зэхъокIыныгъэшхохэр къыщыхъугъ. Сыдрэ цIыфи зэфэдэ фитыныгъэхэр яIэ хъугъэ, хэбзэ ихъухьан, гъэцэкIэн пшъэрылъхэр хасэхэм афэгъэзагъэ хъугъэ. ЧIыпIэ хасэхэм къащегъэжьагъэу хэбзэихъухьэ лъэпкъ зэфэсхэм анэсэу чIыпIэ зыгъэIорышIэжьынымкIэ ащ фэдэ орган пчъагъэхэм Iоф ашIэщтыгъ.

Адыгэ хэгъэгум ихъыкумыр адыгэ хабзэр изыльапсэу къутэмэ шъхьафит щыхъугъ.

Анахь лъэгапIэу тятэжъ пIашъэхэм агъэпсыгъэу джы нэс тлъытэрэ Адыгэ хэгъэгум илъэпкъ парламент Шхъафитныгъэм изэIукIэшху – Мэджлысыр зэрэзэхащагъэр ары. Хэгъэгум ичIыпэ 12-мэ ялIыкIо 12 ащ хахьэщтыгъ. Джащ къыхэкIэу лъэпкъ быракъми жъогъо 12 тет.

НепэкIэ Зэкъот Европэм лъапсэу фэхъугъэхэмрэ я ХIХ-рэ лIэшIэгъум Адыгэ хэгъэгум игъэпсын лъапсэу фэхъугъагъэхэмрэ зы льапсэ яIэу теплъы. Адыгэ лъэпкъым ыпхъу шIагъоу Людмила Черинам (Чемерзэ, 1924 - 2004) иIэпэIэсэныгъэ ин Европэми, зэрэдунаеуи афигъшъошэн ылъэкIыгъ, ащ дакIоуи зэрэевропэу изыкIыныгъэм итамыгъэ шъхьаIи ышIыгъ. Хьазабыбэ зыпэкIэкIыгъэ, зэрэдунаеу щитэкъухьагъэ хъугъэ, зиджэныкъо зэзыгъэгъотыжьы зышIоигъо адыгэхэмрэ европэ цивилизациемрэ языкIыныгъэ епхыгъэ тамыгъэуи ар сэ сэлъытэ.
ЗэкIэми псауныгъэ пытэ, насып, щыIэкIэ-псэукIэ дэгъу шъуиIэнэу, тилъэпкъ ифедэхэм, мамырныгъэр, зэфагъэр щыIэнхэм апае текIоныгъакIэхэр шъушIынхэу сышъуфэлъаIо!

Лъытэныгъэ къышъуфэзышIэу,
Адыгэ Республикэм и Президентэу ТхьакIущынэ Аслъан



Заметка: Предлагаемобъявления Ангарского района. Бесплатное добавление, удобный сервис, много категорий для добавления.


Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Кликните на изображение чтобы обновить код, если он неразборчив