Адыгэ (Щэрджэсмэ) яфитыныгъэхэр къэухъумэгъэнхэм пае зэхэхьэгъэ купым фэкIо
Анкара-Тыркуер
Тыркуем адыгэмэ (Щэрджэсмэ) яфитыныгъэмэ гъунэ алъифынэу, ахэр цIыф купмэ ыкIи хабзэр зезыщэрэмэ алъигъэIэсынэу, зэхэшъущэгъэ купым игухэлъхэр къыдэхъунэу тафэлъаIо!
Адыгэхэр (Щэрджэсхэр) илъэс I50-рэ хъугъэу зэрыс Тырку хэгъэгум, апэрэу пIоми хъунэу, ежьхэм ацIэкIэ митинг ашIынэу гупчэм къехьэх. Мы зэхахьэм цIыфыбэ къекIолIэнэу, лъэпкъым иIофыгъохэр икъоу къыщыраIотыкIынэу, зафэу, дахэу кIэух фэхъунэу тэгугъэ.
Тыркум ис тилъэпкъэгъумэ тиныдэлъфыбзэ, тикультурэ ашIомыкIодэу, хахъо рагъэшIышъоу щыIэнхэу амал яIэн фае. Ау лъэпкъэу тыкъэнэнэу, хэку тиIэнэу тыфаемэ, тыдэкIи щыIэ адыгэхэр хэкум щызэIукIэжьынхэшъ, тилъэпкъ, тихэку иIофыгъохэр лъыдгъэкIотэнхэ фае.
Адыгэ лъэпкъым анахь Iофыгъо шъхьаIэу иIэр, ыкIыб щыIэ тилъэпкъэгъухэм хэкум къэгъэзэжьыныр ары. Джар къыддэхъуным пае тыдэкIи щыIэ адыгэхэм тыдэжъугъэлажь!
Шъопсэу, шъотхъэжъ!
Адыгэ хэгъэгу
Адыгэ Хасэм итхьаматэу
Хьэпэе Арамбый
© cherkessia.net