Силъэпкъэгъу лъапIэхэр!
Тыркуем щыпсэурэ адыгэхэм яфитыныгъэ къаухъумэн гухэлъ яIэу Анкара щыкIощт зэхахьэм хэлажьэрэмэ шIуфэс сэлам ясэхы!
Непэрэ дунаим сыдрэ цIыф лъэпкъи мэхьэнэшхо реты ыбзэ, икультурэ, лъэпкъым ыгъэлъэпIэрэ шэн-хэбзэ зэхэтыкIэхэр къэухъумэгъэнхэм. Лъэпкъ гумэкI, лъэпкъ гупшысэ зыхэлъ тилъэпкъэгъухэм сыдрэ адыгэ цIыфи адырагъэштэн фаеу сэлъытэ.
Зыгу къабзэу, зыгу шIу илъ тилъэпкъэгъухэм, нэмыкI цIыф лъэпкъхэми къыддырагъэштэн алъэкIыщтэу тэгугъэ. Тхьэм телъэIу тятэжъ пIашъэхэр зыкIэхъопсыщтыгъэ фитыныгъэхэр жъугъэцэкIэнхэм кIуачIэ къышъуитынэу.
Шъузыфэлажьэрэр мамырныгъ, шыпкъэныгъ, лъэпкъ Iофыгъу.
Насыпыр, гушIуагъор къышъобэкIэу шъущыIэнэу, шъуигухэлъышIухэр къыжъудэхъунхэу Тхьэм сышъуфелъэIу. Шъопсэу, шъотхъэжь.
Сэхъутэ Аскэр