Гур къытеуэху цIыхур зэрыпсэум ещхьу бзэр Iуху лъэпкъри щыIэнущ. Нобэрей МахуэщIым и лъабжьэр — Адыгэбзэм и къэкIуэнум дегупщысу, абы и беягъым, куууагъым, лъэщагъым хэдмыгъэщIу тхъумэнращи, а къалэным дэтхэнэ адыгэри къыхуэзыгъэуш махуэу хагъэунэхукIащ гъатхэпэм и 14-р.
Анэдэлъхубзэр щыIэнущ ар адыгэ унагъуэ къэс къиIукIыху, адыгэбзэкIэ дыгупсысэху. Аращи, дывохъуэхъу, адыгэ лъэпкъым и гупсэ, адыгэгур зыгъэпIейтей, гукъыдэжрэ къару мыухыжрэ къыдэзыт Адыгэбзэр фи унагъуэм лъабжьэ хуэхъуну, абы хъерымрэ насыпымрэ къыфхудэкIуэну!
ЛIыщIыгъуэ жыжьэхэр къызэзынэкIа ди бзэ лъапIэм хуэфэщIэн щIэблэ Тхьэм дищI!
Дунейпсо адыгэ интернет портал eLot.ru