Туркуем щылажьэрэ адыгэ сайтэу kafkasevi.com зыфиIорэм къызэритырэмкIэ, мэлылъфэгъум и 17-м адыгэмэ яфитыныгъэхэм апае зэгохьэгъэ купым Стамбул митинг щызэхищэщт. Митингыр Кадикой зыфиIорэ чIыпIэм сыхьатыр 13.00 щырагъэжьэщт.
Сайтым къызэритырэмкIэ, митингыр зэхащэнэу фитыныгъэ тхьапэхэр Стамбул къэлэ администрацием къыIахыгъэх ыкIи къэблэгъэрэ мафэхэм митингыр зэрек1ок1ыщт шIыкIэм фэгъэхьыгъэу нахь игъэкIотыгъэу къэбар къатыщт.
Шъугу къэтэгъэкIыжьы, гъэтхапэм и 12-м адыгэмэ яфитыныгъэхэм апае зэгохьэгъэ купым Анкара митинг щызэхищэгъагъ, ащ нэбгырэ мини 5-м ехъу къекIолIэгъагъ. Купыр зыфаер ТуркуемкIэ адыгэхэр зыщыпсэурэ къалэхэм, къуаджэхэм адэт еджапIэхэм адыгабзэмк1э щырагъэджэнхэр ыкIи телевидениерэ радиорэ адыгабзэкIэ гущыIэхэу къызэIуахынхэр арых.
© adyge.net
Анкъара - Гъэтхапэм и 12