Дунаим адыгэ быракъым и Мафэ щыхагъэунэфыкIэу зэрэщыфежьагъэхэм тегъэгушхо. Общественнэ движениеу «Адыгэ Хасэм» хэтхэр, ныбжьыкIэхэр мэфэкIым чанэу хэлэжьэщтых.
Адыгэ Хасэм итхьаматэ игуадзэхэу Нэгъуцу Аслъанрэ Бэгъушъэ Адамрэ къызэрэтаIуагъэу, пэшIорыгъэшъэу зэIукIэу яIагъэхэм адыгэ быракъым и Мафэ зэрэхагъэунэфыкIыщтым ащытегущыIагъэх. Анахьэу тызыгъэгушIорэр мэфэкIым хэлажьэ зышIоигъомэ япчъагъэ зэрэхахъорэр ары.
- Адыгэ быракъым имэфэкI Адыгэ Республикэ зэрэтиIэм епхыгъ, - еIо Бэгъушъэ Адамэ. - Лъэпкъ шIэжьым зыкъедгъэIэтыным фэшI нэмыкI зэхахьэхэри зэхэтщэщтых.
Адыгэ шъуашэм имэфэкI тиреспубликэ щызэхащэн алъэкIынэу тэгугъэшъ, ащ ехьылIэгъэ тхыгъэхэр тапэкIэ къыхэтыутыщтых.
Сурэтым итхэр: Нэгъуцу Аслъанрэ Бэгъушъэ Адамрэ.
ЕМТIылъ Нурбый
Адыгэ Макъ