Жъоныгъуак1эм и 20-м Грузием ипарламент зэхэсыгъоу и1агъэм адыгэ лъэпкъ гъэк1одыр зэрэщы1агъэм фэгъэхьыгъэ резолюцием ипроект щыхэплъагъэх ык1э зэк1э депутатхэм ар зэдаштагъ.
Диаспорэм ык1и Кавказым я1офхэмк1э парламентым икомитет итхьэматэу Нугзар Циклаури проектыр аштэным ыпэк1э журналистхэм къазэрэри1уагъэмк1э, Урыс пэчъыхьэгъум я XVIII-XIX л1эш1эгъухэм адыгэ лъэпкъыр зэригъэк1одыгъэм имызакъоу къэралыгъо зэфэшъхьафхэм арыс адыгэхэр хэхэсхэу лъытэгъэнхэу проектым итхагъ.
Ащ игущы1эхэмк1э, адыгэхэмэ ятарихъ ч1ыгу агъэзыжьынэу фитыныгъэ ятыгъэныр дунаим щыпсэухэрэм зэдаштэнэу зызщафагъазэрэр псалъэ резолюцием ипроект хэт. Джырэк1э адыгэхэм япроцент 90 хымэ хэгъэгухэм ащэпсэух. Джащ фэдэу Н.Циклаури къызэрэхигъэщыгъэмк1э, 1офым хэш1ык1 ин физи1э ш1эныгъэлэжьхэм язэфэхьысыжьхэр резолюцием лъапсэ фэхъугъэх.