Адыгэ Республикэм и Конституцие ия 82-рэ статья ия 5-рэ пункт диштэу регионым и ЛIышъхьэ ипшъэрылъхэр Адыгэ Республикэм и Премьер-министрэу КъумпIыл Мурат ыгъэцэкIэщтых.
Краснодар край клиникэ сымэджэщэу N 1-у С. В. Очаповскэм ыцIэ зыхьырэм Адыгеим и ЛIышъхьэу ТхьакIущынэ Аслъан ипсауныгъэ изытет щауплъэкIугъ ыкIи ащ ыгу екIурэ лъынтфэхэм щяIэзагъэх.
Непэ ехъулIэу регионым и ЛIышъхьэ ипсауныгъэ изытет нахьышIу хъунэу фежьагъэу специалистхэм алъытэ. ТхьакIущынэ Аслъан бэ темышIэу Iоф ышIэу ригъэжьэжьынэу врачхэр мэгугъэх.
Адыгэ Республикэм и ЛIышъхьэ ипресс-къулыкъу