КъэшъокIо купэу «Черкесием» хэт артистхэр тиреспубликэ щыкIорэ концертхэм, лъэпкъ Iофыгъомэ япхыгъэ зэхахьэхэм ахэлажьэх. Хэгъэгу ыкIи дунэе спорт зэнэкъокъухэу Адыгеим щызэхащэрэмэ тилъэпкъ культурэ ибайныгъэ къащегъэлъагъо.
«Черкесиер» зэхахьэмэ ащыуджэу зылъэгъугъэмэ ащыщых Иран, Германием, СНГ-м къарыкIыгъэхэр. Тиартистхэм яIэпэIэсэныгъэ хьакIэмэ агъэшIэгъуагъ. Адыгэ шъуашэр ашIодэхэ къодыеп, зыщалъэ ашIоигъоуи уахътэ къякIугъ.
- Тилъэпкъ ишэн-хабзэхэр тишъуашэхэмкIэ, тикъашъохэмкIэ къэтэгъэлъагъох, - еIо АР-м изаслуженнэ артистэу Бахъукъо Адамэ. - Тилъэпкъ иискусствэ дунаим дахэкIэ зэрэщашIэрэм тегъэгушхо, концертхэм, зэхахьэхэм нахьыбэрэ тахэлажьэ тшIоигъу.
Сурэтым итыр: ансамблэу «Черкесиер».
Адыгэ Макъ