Сомэ 2200 хъурэ тазыр тыралъхьагъ станицэу Джадэм иадминистрацие ипащэ иIэнатIэ зыгъэцакIэрэ Павел Гречишниковым. ЖъоныгъуакIэм и 20-м 2011 илъэсым Джэджэ районым ипрокуратурэ уплъэкIунхэу ригъэкIокIыгъэхэм къызэрагъэлъэгъуагъэу П.Гречишниковым жилищнэ законодательствэр уыкъуагъэу къычIэкIыгъ. Ахэр дигъэзыжьынэу прокуратурэм администрацием ипащэ иIэнатIэ зыгъэцакIэрэм унашъо фишIыгъ. Арэу хабзэм ыгъэнэфагъэ уахътэм къыкIоцI Павел Гречишниковым прокуратурэм джэуап ритыжьыгъэп ыкIи унашъоу къыфашIыгъэр ыгъэцэкIагъэмэ афиIопщыгъэп.
Мэкъуогъум и 28-м Джэджэ районым ипрокуратурэ административнэ хэбзэукъонымкIэ Iофыр къызэIуихыгъ,бэдзэогъум и 18-м хьыкумым Павел Гречишниковым прокурорым хабзэм диштэрэ унашъоу ышIыгъэр ымыгъэцэкIагъэу ыкIи административнэ пшъэдэкIыжь егъэхьыгъэн фаеу ыштагъ.