Непэ ВПП-у «Единэ Россием» июбилей зэфэс Урысыем икъэлэ шъхьаIэу Москва къыщызэIуахы. Партием и Адыгэ регион къутамэ ипресс-къулыкъу къызэритырэмкIэ, партием и Апшъэрэ Совет хэтэу, Адыгеим и ЛIышъхьэу ТхьакIущынэ Аслъан, «Единэ Россием» и Генсовет хэтэу Къуекъо Эдуард, регион политсоветым исекретарэу, республикэ парламентым итхьэматэ игуадзэу Iащэ Мухьамэд, регион политсоветым исекретарь иапэрэ гуадзэу, АР-м и Премьер-министрэу КъумпIыл Мурат зэфэсым хэлажьэх.
Зэхэсыгъом праймеризым текIоныгъэ къыщыдэзыхыгъэхэм яспискэхэр къагъэлэгъощтых, партием и Народнэ программэ иположениехэм щатегущыIэщтых, регион партийнэ проектхэу «Единэ Россием» ирегиональнэ конференцием Владимир Путиным къыхихыгъэхэр гъэцэкIагъэ зэрэхъухэрэр ауплъэкIущтых.
Апэрэ мафэм зэфэсым къекIолIагъэхэм яIофшIэн секцие зэфэшъхьафхэмкIэ гъэпсыгъэу кIощт: «Социальная политика – к новым стандартам», «Новая экономика», «Жилищно-коммунальное хозяйство: перспективы развития», нэмыкIхэри. ЯтIонэрэ мафэм политическэ форумым Iоф ышIэщт. Медиафорумым юбилейнэ зэфысыр зэфишIыжьыщт.
РекIокIокIыгъэ праймеризым общественнэ организациехэм ялIыкIо анахь чанхэр, партиеу «Единэ Россием» хэтхэу дэгъоу Iоф зышIэхэрэр къыгъэнэфагъэх, ахэмэ ащыщыбэхэр партием и Генсовет и Президиум хагъэхьащтых.