Тыркуем щылажьэрэ «Кавказ Федерацие» зыфиIорэм исайт зэритымкIэ, КАФФЕД-м джырэблагъэ илIыкIохэр Сирием игъэкIощтых. Ахэр Сирием щыпсэурэ Адыгэхэм яIоф зытет зэрагъэшIэнэу ары.
Сирием илIыкIоу (посол) Стамбул дэсымрэ ыкIи Тыркуем иIэкIыб къэралыгъо IофхэмкIэ иминистерырэ Сирием щыпсэурэ Адыгэхэм ехьылIагъэу тхьапэкIэ КАФФЕД-м зафигъэзагъэу сайтым къытхы.
Мы аужьырэ маз I0 Сирием бырсырхэр щыIэх, ащ цIыф мин пчъагъэ хэкIодагъ, непэ нэс Iофыр зэхэкIынэу къэлъагъорэп. Сирием щыпсэурэ Адыгэ нэбг 500 ехъу лъэIу тхылъкIэ УФ ипащэхэм ыкIи Адыгэ Республикэм ипащэхэм закъыфагъэзэгъагъ Адыгэ Хэкум ащэжьынхэу. Адыгыеим ипрезидент ыкIи ипарламент унашъохэр ащтэгъагъ Сирием ис Адыгэмэ IэпыIэгъу афэхъунхэу ыкIи УФ ипрезидент зыфагъэзагъ мы Iофым къыхэлэжьэнэу.
Адыгеим ихьыкумэт щылажьэрэ горэм Черкесия Таймс къыриIуагъ, Сирие Адыгэхэм ехьылIагъэу Адыгеим ышIэн ищыкIагъэ пстэури игъэцэкIагъ ыдж Федералънэ хьыкумэтым ишIэщтым тежьэ.