Республикэм лъэшэу къызыщэучъы1ы уж гъэтхасэмэ япхъэн къызщызэтырагъэуцогъагъ. Джы ахэр рагъэжьэжьыгъ, рахъухьэгъэ гектар мин 90-м щыщэу гъэтхэгум и-6-м ехъул1эу гектар мин 3,5-рэ аухыгъ. Мэфэ чъы1эхэу къыхэфагъэхэм къак1оц1 мэкъумэщыш1эмэ ч1ыгоу пхъэным фэмыхьазырымэ ахэтыгъэх.

Ч1ыгъэш1ухэри бжыхьасэмэ арагъэк1ух. Аммиак селитрэр бжыхьасэмэ я-% 75-м хатэкъогъах. Уц гуаохэми ебэнынхэу аублагъ. Химиепк1эн зыфа1орэм фэдэр лэжьыгъэмэ я-1 % ехъурэм раш1эфыгъ.

Республикэм имэкъумэщ министерствэ и1офыш1эхэм къызэра1орэмк1э, щтыргък1эу къэхъугъагъэр гъэхасэу апхъыгъахэм къегоон ылъэк1ыщтэм, ар джыри къыхэк1ы къодый. Бжыхьасэхэр арымэ ащ фэдэ чъы1эм ариш1эрэ щы1эп. Анахьэу щтыргъук1ым лые зэрихыгъэхэр чъыгхатэхэр ары. Къэгъагъхэу мэфэ зыт1ущ хъугъэу къызэ1уихыгъагъэхэр зэфэдэк1э къыпигъэтыкъугъэх. Ау зэрарэу ащ къыхьыгъэр джырэк1э къэ1огъуаеу щыт. 

© 1999-2003