Ч1ыопсым икъэк1уапэхэмк1э ык1и тыкъэзыуцухьэрэ дунаим икъэухъумэнк1э Урысыем иминистествэ икъутамэу Адыгеим щы1эм гъэтхэгум и-15-м зэхэсыгъо щык1уагъ, мэз фондым щыщ ч1ыгухэр бэджэндэу тапэк1э атынхэм ар фэгъахьыгъагъ. 

Зэхэсыгъом къызэрэща1уагъэмк1э, 2002 илъэсым нэс республикэм имэзхэм агъэунэфыгъэуи амыгъэунэфыгъэуи унэе хъызмэтш1эп1и-100 фэдиз ащылажьэщтыгъэ. 

Ахэмэ янахьыбэрэмэ хэбзэ 1ахьыр атыщтыгъэп ык1и зэрэтыгъохэрэм къыхэк1эу мэзхэм лые раш1эщтыгъэ. Джащ пае а илъэсым АР-м ипрезидентэу Шъэумэн Хьазрэт мэзхэм якъызэтегъэнэным фэлажьэрэ унашъо къыдигъэк1ыгъагъ. Ащ елъытыгъэу мэзыр зыгъэфедэрэмэ апчъагъэ лъэшэу къыщык1агъ, осэ ин зи1э чъыглъэпкъыхэм яиупк1ын зэпагъэугъ.

Джы мы зэхэсыгъом хэлэжьагъэхэм президентым унэшъуак1э рагъэш1ын агу хэлъэу лъэ1у тхылъ зэхагъэуцуагъ. Ахэмэ къызэра1орэмк1э, мэз гъэфедэнымк1э фитыныгъэ зэтыгъэн фаер анахьыбэмэ хъызмэтш1эп1и-4, бэджэндык1э ятыгъэн фае. Ч1ыгу кубометрэ мин 89-рэ зыубытырэ мэзыр аущтэу атыным фэхьазарых. Ахэр аратымэ, хъызмэтш1ап1эхэр ауплъэк1унхэ хъуми 1эш1эх, мэзхэми афагъэсакъыщтых, хэбзэ 1ахьхэри къатынхэмк1э цыхьэ ателъ хъущт.

Ау ар къа1уагъэр ары. Мэзхэр унэешъыпкъэ пш1ын плъэк1ынэу Урысыемк1э унашъоу къыдэк1ыгъак1эр пщымыгъупшагъэмэ, зэхэсыгъом къыща1уагъэмэ узэрагъэгупшысэнэу щытыр нэмык1. 

© 1999-2003