Урысые федерацием икъулыкъу икъутамэу Адыгеиим ит хьапсмэ ягъэ1орыш1ап1э гъэтхэгум и-16-м пресс-конферненцие Мыекъуапэ щызэхищагъ. Мы мазэм и-13-м ык1и и-14-м къуаджэу Лъэустэнхьаблэ дэт хьапсэм уплъэк1унхэу щаш1ыгъэм ащ щытегущы1агъэх. Сэмэгу Алыеу мы къутамэм итхьэматэм къызэри1уагъэмк1э, хьылъэзэрэщэ машинэ 15-мэ арызэу пкъугъо зэфэшхьафхэу хьапсэдэсмэ а1ыгъын зыфимытхэу уплъэк1унхэм ауж мыщ дащыгъ. Ахэмэ ащыщхэу сэшхущ, щыжъые лъэпкъ зэфэшъхьафхэу – заул, зэрахьэрэ телефон 18 ык1и нэмык1 пкъугъохэр пресс-конферениер зэхэзыщагъэмэ журналистмэ къарагъэлъэгъунхэу къырахьыл1агъэх. 

Мы уплъэк1унхэр зэрэщы1эщтымк1э тхьэмафэ джыри щы1эу макъэ арагъэ1угъагъ ык1и а1ыгъын зыфимытхэр ежь-ежьырэу къэзыштэжьынэу къахэк1ырэмэ зырахьыл1эщт ч1ып1э къафагъэнэфэгъагъ. Ау зы нэбгыри ащ ек1ол1эгъагъэп. Шъхьаем арэп гъэш1эгъоныр. Хьапсэм щылажьэхэрэми макъэу арагъэ1угъэр зык1и къырадзагъэп. Ахэмэ ащыщхэу хьапсэдэсмэ ахэщагъэхэу нэбгырэ заулэ къыхагъэщыгъ, майорэу, хьэпсэдэс п1уныр зипшъэрылъэу Хъодэ Адам исейф грамм 64 хъоу к1эп (наркотик) дэлъэу къыч1агъэщыгъ.

Сэмэгу Алый къызэрэк1игъэлэтхъыгъэмк1э, мыщ фэдэ уплъэк1унхэр тапэк1э мазэ къэс аш1ыщтых. Ау джы макъэ арагъэ1ужьыщтэп, ош1э-дэмыш1эу псэущтых.

© 1999-2003