 |
Сирием ит Адыгэ-Хасэм изэфэс мэлылъфэгъум (апрель) и 30-м щыIэщт
Хэсэ гупчъэм игъэцэкIакIо-купым Хасэм изэфэсрэ хэсашъхьэм ихэдзынхэрэ теубытагъэу мэлылъфэгъум (апрельым) и 30-м щы1энэу тыраубытагъ. Ар Хасэм иунэу Рукундин (Дамаск) дэтым щырекIокIынэу унашъом къе1о. Хасэм итхьэматэрэ игъэцэкIакIо-купрэ мы аужрэ илъэситIум Iофэу агъэцэкIагъэхэм яхьылIэгъэ гущы1эхэр зэфэсым къыщашIыщт. Ащ ыуж Хэсашъхьэр ихэдзынхэм афежьэщт.
Хэдзынхэм хэлэжьэщтхэм купитIоу зыкъагъэлъэгъуагъ, апэрэ купым хэтхэр : Абазэ Щараф, Джэткэр Фаиз, Нури Iисхьакъ, Хьэлао Айман, Къушъхьэ Фарихьа ыкIи нэмыкIхэр, ятIуанэрэ купым хэтхэр : КIэгъэдэу Сталин, Абыдэ Мазхьар, Шкъае Джанбулат, Хьайтэм Iисмахьил, Бакъэрджэкъ Сафуан ыкIи нэмыкIхэр. Зэфэсыр сыхьатэ 10.00-м аублэщт.
|
|
