 |
«Адыгэ щыгъум» бэдзэрхэр зэлъеубыты
Адыгеим и-Красногвардейскэ район ит къуаджэу Уляп гъэтхэгум и-16-м к1эу хъызмэтш1ап1э къыщызэ1уахыгъ. Ц1эу 1офш1ап1эм и1эр «Адыгэ щыгъу», сыда п1омэ, адыгэмэ «къон щыгъу» зыфа1оу нэмык1 ц1ыфлъэпкъыхэр «адыгэ щыгъук1э» заджэхэрэр ащ къыдегъэк1ы. Хъызмэтш1ап1эр зыеу ык1и ащ итхьаматэу Хъуажъ Аслъан къызэри1орэмк1э, джы анахьэу ежь зыфаер адыгэ щыгъум имызакъоу лъэпкъ гъомыли къыдигъэк1ын амалым нэсыныр ары.
Непэк1э, ащ ыгъэпсыгъэр – хъызмэтш1эп1э мыин ны1эп. Ар зыч1игъэуцуагъэр тапэк1э колхозым 1офиск1э ыгъэфещтыгъэ унэм щыщэу пыш1ык1. Адыгэ щыгъур 4-эу зэтефыгъэу къыдегъэк1ы: абдзах, улап, бжэбыгъу, шапсыгъ. Ахэр вакуум зэдэгъэпк1эгъэ зэфшъхьафмэ аретакъо. Тхьамафэм къык1оц1 адыгэ щыгъоу тони-10 фэдиз 1уегъэк1ы. Зыщы1уигъэк1ырэр ежь Адыгеир, Урысыем икъыблэ шъолъырым ит къалэхэр, Москва, Санкт-Петербург. Нэмык1эу зэщы1уигъэк1ыщтыр ыгъотымэ къыдигъэк1ырэм ибагъэ псынк1эу хигъэхъон ылъэк1ыщт.
|
|
