Мыекъуапэ иадминистрацие гъэтхэгум и-16-м 1энэ хъурай зыфа1орэм фэдэ щызэхащэгъагъ. Ащ къалэм имэрэу Пивоваров Николай ык1и къэлэ къулыкъумэ япащэхэр хэлэжьагъэх. Зыфызэхащагъэр 1энэ хъураер – ц1ыф жъугъэ зэхэтхэм ятхьаматэхэр къырагъэблэгъэнхэу ары. Унапк1эхэу ц1ыфмэ мазэ къэс атырэм хэгъэхъогъэн фаеу зэрэщытыр мы зэхэсыгъом къыща1уагъ. Ахэмэ фэдит1ук1э ахагъэхъонэу рахъухьагъ.

«Ахэмэ ахэтымыгъахъомэ хъущтэп, – зэхэсыгъом къыщи1уагъ Пивоваровым, – ар зытымыш1эк1э хъызмэтш1ап1эхэу а фэ1офаш1эхэр зыгъэцак1эхэрэр неущ банкрот хъущтых. Мы аужырэ мазэхэм ахэмэ ч1ыфэу атэлъыгъэр сомэ млн. 70 нэсыгъагъ. Бюджэтым ахъщэ къыхэтхи ар % 60-к1э нахь мак1э тш1ын тлъэк1ыгъ. Къэнагъэр апщыныжьын алъэк1ыным пае, унапк1эхэм % 100 ахэгъэхъогъэн фае». 

Гъэтхэгум и-27-м къалэм идепутатхэм язэхэсыгъор щы1эну щыт. Унапк1эмэ ахагъэхъощт-ахамыгъэхъощтыр арэп зытегущы1эщтхэр – пчъагъэу зэрэхагъэхъощтыр ары нахь. А мэфэ шъыпкъэм, 1энэ хъураем ща1уагъэм емылъытыгъэу, «Лэжьак1охэм язэкъот» зыфи1орэ ц1ыф жъугъэ зэхэщагъэм къэлэ администрацием пикет щиш1ынэу рихъухьагъ. Ау ащк1э къэ1огъэн фаер, тапэк1э унапк1эмэ захагъахъоми мыхэмэ пикэт аш1ыгъагъ, шъхьае иш1уагъэ къэк1огъагъэп. 

© 1999-2003