Щэрэб гъэпщыгъэмк1э Адыгеим икъэлэ шъхьа1э щыдэк1оягъэх
Мыекъопэ клубэу «Экстримк1э» заджэхэрэм ом узэрэдэк1оен щэрэб и1э хъугъэ. Къызэра1орэмк1э, ар фэдэу Урысыем щыря1эмэ анахь ин. Жьэу ифэрэр куб. метрэ 4360 мэхъу. Дихьыен ылъэк1ыщтыр зы тоннэм нэсы. Зыехэм зэрэрахъухьагъэк1э, дунаим ом идэк1оенк1э рекордэу агъэуцугъэм мы бжыхьэ тек1ынхэ алъэк1ыщтмэ ауплъэк1ун агу хэлъ. А рекордыр метрэ 12300 мэхъу.
Джы, гъэтхэгум и-26-м клубым хэтхэм щэрэбым ушэтынхэр раш1ыл1агъэх. Къэлэдэсхэм алъэгъоу шэрэбыр сыхьатит1урэ ныкъорэ ом итыгъ. Дэк1оегъагъэхэр нэбгыри-9 мэхъу, ахэмэ клубым итхьаматэу Киселев Игорь ахэтыгъ. Къэ1огъэн фаер, ащ иахъщ клубым щэрэбыр зэрищэфыгъэр, илъэс пчъагъэм машинэ зэрищэфын ахъщэу зэ1уигъэк1агъэр пэ1уигъэхьагъ.
|
