Шышъхьа1ум (августым) и 26-м Израиль ит адыгэ къуаджэу Кфар-Камэ Адыгэ шIушIэ хасэу "Нэфын" зыфиIорэм иигъэкIотыгъэ зэхэсыгъо щыIагъ. Ащ нэбгыришъэ фэдиз хэлэжьагъ. Зэхэсыгъом хасэм нахь лъэшэу Iоф егъэшIэгъэным ыкIи ар Адыгэ хэкум зэпхыныгъэхэр нахь дишIыным щытегущыIагъэх. 

Къыхэгъэщыгъэмэ хъущт: "Нэфынэр" илъэсипшI хъугъэ зыщыIэр, ау ар зызэхащэм пшъэрылъхэу зыфигъэуцужьыгъагъэхэм янахьыбэр ыгъэцэкIэн ылъэкIыгъагъэп. 

Мы аужьырэ илъэсым хасэм ныбжьыкIэхэр къакIохэу хъугъэ. Ахэр анахьэу зыгъэгумэкIырэр хасэр Адыгэ Хэкум нахь дэгъоу дэлэжьэныр ары. Зэхэсыгъом хэлэжьагъэхэм къэкIорэ тхьэмафэм зэфэс ашIынэу рахъухьагъ. Ащ хасэм итхьэматэрэ игъэцэкIакIо купрэ щыхадзыщтых.  

© 1999-2003