http://natpress.net/ ru Чылагъо Iофхэр - НатПресс - Информационное агентство http://natpress.net/yandexlogo.gif http://natpress.net/ DataLife Engine http://natpress.net/index.php?newsid=8571 Пащэу уиIэщтым ихэдзын Iоф къызэрыкIоп. Тиреспубликэ иобщественнэ движениеу «Адыгэ Хасэм» ихэсашъхьэ зэхэсыгъоу тхьаумафэм иIагъэм Сирием зэо-банэу щыкIорэм щытегущыIагъэх. Зэхэщэн Iофыгъохэм ащыхаплъэхи, Адыгэ Хасэм ­итхьаматэу Бэ­гъушъэ Адамэ зы­кIыны­гъэ ахэ­лъэу щы­ха­дзыгъ. Чылагъо Iофхэр zshoo Tue, 27 Mar 2012 13:53:09 +0400 Пащэу уиIэщтым ихэдзын Iоф къызэрыкIоп. Тиреспубликэ иобщественнэ движениеу «Адыгэ Хасэм» ихэсашъхьэ зэхэсыгъоу тхьаумафэм иIагъэм Сирием зэо-банэу щыкIорэм щытегущыIагъэх. Зэхэщэн Iофыгъохэм ащыхаплъэхи, Адыгэ Хасэм ­итхьаматэу Бэ­гъушъэ Адамэ зы­кIыны­гъэ ахэ­лъэу щы­ха­дзыгъ. УФ-м ФедерациемкIэ и Совет хэтхэм ягъусэхэу Адыгэ Республикэм икIыгъэ нэбгырищ Сирием щыIагъ. Ахэр - Парламентым идепутатэу КIэрмыт Мухьдин, АР-м лъэпкъ IофхэмкIэ, Iэ­кIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет итхьаматэу Шъхьэлэхъо Аскэр, республикэ Адыгэ Хасэм итхьаматэу Бэгъушъэ Адам. Адыгэ Хасэм ихэсашъхьэ изэIукIэ Бэгъушъэ Адамэ купым хэтыгъэхэм ягугъу къы­шишIыгъ. Сирием къыщи­лъэ­­гъугъэр зэфихьысыжьзэ, адыгэу исхэм шъхьэихы­гъэу якъэбар къамыIотагъэу ылъы­тагъ. Ар къызыхэкIы­гъэр гурыIогъуаеу А. Бэгъу­шъэм къыщыхъугъэп. Сирием ис тилъэпкъэгъухэр хэ­гъэгум иIэшъхьэтетхэм афэ­шъыпкъэх. Сириер нахьы­пэкIэ заохэм захэлажьэм, адыгэу ахэкIодагъэр макIэп. Тилъэпкъэгъухэр лIыгъэ зезыхьагъэмэ сыдигъуи ащыщыгъэх. Джырэ уахътэ адыгэ­хэр Сирием къикIыжьынхэм дэгуIэхэрэп. Бырсырхэм ахэкIодэщтхэми, «щынагъэх», «къумалыгъэ къызыхагъэфагъ» зыфэпIощтхэр къара­IокIынэу фаехэп. Шъхьэлэхъо Аскэри Бэ­гъушъэ Адами Адыгэ Хасэм къызэрэщаIуагъэу, Сирием щыпсэурэ тилъэпкъэ­гъухэр зэгорэм мыщ къи­кIыжьынхэ фаеу чIыпIэ зэ­жъу зифэхэкIэ, ­Адыгэ Рес­публикэр ары къы­ха­хыщтыр. Тхьаматэр - Бэгъушъэ Адам Тигъэзет къыхиуты­гъагъ Адыгэ Хасэм ­итхьаматэу аужырэ илъэсхэм Iоф зышIэгъэ Хьэпэе Арамбый иIэ­натIэ зэрэIукIы­жьы­гъэр. Общественнэ движениеу «Адыгэ Хасэм» и Устав къызэрэдилъытэу, хэсашъхьэм изэIукIэ тхьаматэр щы­хадзыгъ. Адыгэ Хасэм итхьаматэ игуадзэу Нэгъуцу Аслъан пэ­ублэ гущыIэ къышIыгъ, Хасэм игъэцэкIэкIо куп унашъо зэришIыгъэм щигъэгъоза­гъэх. Ащ къызэриIуагъэм­- кIэ, Адыгэ Хасэм итхьаматэу хадзынэу Бэгъушъэ Адамэ гъэцэкIэкIо купым зыкIы­ныгъэ хэлъэу къыгъэлъэ­гъуагъ. Хэсашъхьэм къыщыгущы­Iагъэх Хъунэго Чэтибэ, Къуе­къо Аслъанбый, Тыкъ Заур, Талъэкъо Адам, Ацумыжъ Юсыф, Бырсыр Батырбый, Мыгу Рэщыдэ, Абыдэ Хьисэ, ЛIыунэе Руслъан, Дзэсэжъ Заурбый, Къэбэртэе Адам, ЕхъулIэ Юрэ, Къэбэртэе Аскэрбый, Шъхьэлэхъо Аскэр, нэмыкIхэри. Тхьаматэ хъунэу фаер арэп, IэнатIэр зезыхьан зы­лъэкIыщтыр ары хадзымэ ашIоигъоу къаIуагъэр. Бэгъушъэ Адамэ имурадхэр къыIуатэхи, IофшIэным ыгукIи зэрэфэхьазырыр къы­зеIом ыуж, IэIэ­тыкIэ шIы­кIэм тетэу зыкIыныгъэ ахэ­лъэу Адыгэ Хасэм итхьаматэу ар хадзыгъ. Адыгэ Макъ http://natpress.net/index.php?newsid=8459 БлэкIыгъэ мазэм Адыгэ интернет агенствакIэ лажьэу ыублагъ, ар «Адыгэ Хэкум и Макъ. Голос Черкесии» зыфиIорэр ары, www.hekupsa.com,. Сайтым Адыгэ Хэкум ыкIи диаспорэм къыщыхъурэ къэбар шъхьэIхэр, АдыгабзэкIэ ыкIи УрысыбзэкIэ тхыгъэхэр къыратхэ. Адыгэ Iофым ехьылIагъэ видеохэр, Адыгэ Хабзэм ехьылIагъэ тхыгъэхэр ыкIи нэмыкIхэр сайтым къырагъауцо. Сайтыр зигъэлажьэрэр Адыгэ Хэкум изэфэшъхьэф шъолъырхэм ащыщ Адыгэ ныбжьыкIэхэр ары. Чылагъо Iофхэр zshoo Sun, 26 Feb 2012 02:01:24 +0400 БлэкIыгъэ мазэм Адыгэ интернет агенствакIэ лажьэу ыублагъ, ар «Адыгэ Хэкум и Макъ. Голос Черкесии» зыфиIорэр ары, www.hekupsa.com,. Сайтым Адыгэ Хэкум ыкIи диаспорэм къыщыхъурэ къэбар шъхьэIхэр, АдыгабзэкIэ ыкIи УрысыбзэкIэ тхыгъэхэр къыратхэ. Адыгэ Iофым ехьылIагъэ видеохэр, Адыгэ Хабзэм ехьылIагъэ тхыгъэхэр ыкIи нэмыкIхэр сайтым къырагъауцо. Сайтыр зигъэлажьэрэр Адыгэ Хэкум изэфэшъхьэф шъолъырхэм ащыщ Адыгэ ныбжьыкIэхэр ары. Мы купыр къэбархэм Iоф дашIэу зиублагъэр бэшIагъэ, ахэм чылагъо хъагъэу odnoklassniki.ru зыфиIорэм илъэс заулэ хъугъэу нэкIубгъо щряIэу дэлажьэх (http://www.odnoklassniki.ru/#/group/51806834589797). Ащ къэбархэр ыкIи он-лайн зэIукIэхэр къыщатых, политикэм ыкIи чылагъо Iофхэм адэлажьэрэ Адыгэ организациехэм ятхьэматэхэм зэдэгущыIэгъухэр адрашIы. МазитIу ипэкIэ чылагъо хъагъэу facebook.com зыфиIорэм нэкIубгъо къыщызэIуахыгъ (http://www.facebook.com/groups/351047254906986/), ащкIи къэбархэр къыщаты ыкIи Адыгэ Iофым ехьылIагъэу щызэхэгущыIэжьых. «Адыгэ Хэкум и Макъ. Голос Черкесии» купым илэжьакIэ къыхэдгъэщын тлъэкIыщт, Адыгэ Хэкум, Адыгэ лъэпкъым ехьылIагъэ къэбархэр, еплъыкIэхэр шъхьэихыгъэу къызэратхырэр ыкIи къэбар шъхьэIхэр цIыфхэм псынкIэу алъагъэIэсынэу зэрэдэлажьэхэрэр. Circassiatimes.com http://natpress.net/index.php?newsid=8401 Мэзаем и 11 Адыгэ Республикэм щылажьэрэ движениеу «Адыгэ Хасэ Черкес Парламент» зыфиIорэм Мыекъуапэ зэфэс щыригъэкIокIыгъ. Ащ хэлэжьгъэх Адыгеим изэфэшъхьэф шъолъырхэм къарикIыгъэ лIыкIохэр, ахэр 500 фэдиз хъущтыгъэ, мыхэм нэмыкIэу зэфэсым хьакIэ фэдэу къекIолIагъ 500 фэдиз. ТIори зэхэтэу зэфэсым 1000 фэдиз хэлэжьагъ. Чылагъо Iофхэр zshoo Sun, 12 Feb 2012 20:08:34 +0400 Мэзаем и 11 Адыгэ Республикэм щылажьэрэ движениеу «Адыгэ Хасэ Черкес Парламент» зыфиIорэм Мыекъуапэ зэфэс щыригъэкIокIыгъ. Ащ хэлэжьгъэх Адыгеим изэфэшъхьэф шъолъырхэм къарикIыгъэ лIыкIохэр, ахэр 500 фэдиз хъущтыгъэ, мыхэм нэмыкIэу зэфэсым хьакIэ фэдэу къекIолIагъ 500 фэдиз. ТIори зэхэтэу зэфэсым 1000 фэдиз хэлэжьагъ. КъэгущыIагъэ пстэуми къыхагъэщыгъ Сирием щыпсэурэ Адыгэхэр яхэкужъ къагъэзэжьыным пае Урысие Федерациер зэрэдэлэжьэн фаер. «Адыгэ Хасэ Черкес Парламент» игъэцэкIакIо-куп хэтэу НэгъукI Аслъан Черкесия Таймс къызэрэриIуагъэмкIэ зэфэсым унашъо ышIыгъ хасэм игъэцэкIакIо-куп мафэ заулэкIэ джэпсалъэ (резолюцие) ыгъэхьэзырынэу ыкIи ар УФ ипащэхэм фагъэхьынэу. КъэIогъэн фае, Сирием щыпсэурэ Адыгэхэр Адыгэ Хэкум къэщэжьыгъэнхэм пае мазэ ипэкIэ Адыгеим ипарламент, Дунае Адыгэ Хасэ ыкIи зэфэшъхьэф Адыгэ организациехэм джэпсалъэхэр УФ ипащэхэм афагъэхьыгъагъ ау непэ нэс УФ ипащэхэм мы Iофым ехьылIагъэу зи къаIуагъэп ыкIи къэбар гъэнэфагъэ щыIэп. Сурэтхэр зытихыгъэр: ЩакIо Аслъан Circassiatimes.com http://natpress.net/index.php?newsid=7652 Наркоманиер тинепэрэ щыIакIэ ианахь гумэкIыгъо шъхьаIэхэм ащыщ. ЩыIэныгъэм къыздихьырэ кътныгъохэр зыщагъэгъупшэ ашIоигъоу наркотикхэр зыгъэфедэхэр макIэп. Ащ фэдэ шъхьэгъэпцIэным хэбзэнчъэ зекIуакIэр, псауныгъэ зэщыкъуагъэр къыздехьы. Наркоманием пэшIуекIогъэным, наркотикхэр хэбзэнчъэу зыгъэфедэхэрэм, кIэлэцIыкIухэр а Iофым хэзыщэхэрэм ябэныгъэным фэгъахьыгъэ Iофыгъохэм Адыгеим иIэшъхьэтетхэр зэпыугъо имыIэу дэлажьэх. Чылагъо Iофхэр zara Fri, 21 Oct 2011 01:00:20 +0400 Наркоманиер тинепэрэ щыIакIэ ианахь гумэкIыгъо шъхьаIэхэм ащыщ. ЩыIэныгъэм къыздихьырэ кътныгъохэр зыщагъэгъупшэ ашIоигъоу наркотикхэр зыгъэфедэхэр макIэп. Ащ фэдэ шъхьэгъэпцIэным хэбзэнчъэ зекIуакIэр, псауныгъэ зэщыкъуагъэр къыздехьы. Наркоманием пэшIуекIогъэным, наркотикхэр хэбзэнчъэу зыгъэфедэхэрэм, кIэлэцIыкIухэр а Iофым хэзыщэхэрэм ябэныгъэным фэгъахьыгъэ Iофыгъохэм Адыгеим иIэшъхьэтетхэр зэпыугъо имыIэу дэлажьэх. Наркотикхэр хэбзэнчъу гъэфедэгъэным пэшIуекIогъэнымкIэ Адыгэ Республикэм щызэхэщагъэ комиссиеу Адыгеим и ЛIышъхьэу ТхьакIущынэ Аслъан зипащэм тыгъуасэ зичэзыу зэхэсыгъо иIагъ. Ащ хэлэжьагъэх АР-м и Къэралыгъо Совет-Хасэм и Тхьэматэу Ф.Федорко, АР-м и Премьер-министрэ игуадзэу А.Петрусенкэр, минстрэхэм я Кабинет хэтхэр, нэмыкIхэри. Зэхэсыгъом хэлэжьагъэхэм къызэраIуагъэмкIэ, мы гумэкIыгъом изэшIохын фэгъэхьыгъэ Iофтхьабзэхэр лъэныкъо зэфэшъхьафхэмкIэ зэшIуахых. Непэ шIуагъэ къэзытырэ екIолIыкIэу къыхагъэщыгъэхэм ащыщ зихэхъогъухэр спортым пыщагъэ зэрэхъухэрэр. АР-м физкультурэмрэ спортымрэкIэ и Комитет ипащэ игуадзэу Джарымэкъо Юсыф къызэриIуагъэмкIэ, гъэсэгъуаекIэ алъытэрэ сабый нэбгырэ 240-рэ спортым пыщагъэ еджапIэхэм зыщагъасэх, ахэмэ ащыщэу нэбгыри 100-р гъэсэгъуаекIэ алъытэрэ сабыйхэм алъыплъэрэ комиссием исписок хагъэкIыжьыгъэх. АР-м хэгъэгу кIоцI IофхэмкIэ и министрэу А.Речицкэм къызэриIуагъэу, зэкIэмкIэ Адыгеим ащ фэдэ сабый 378-рэ агъэунэфыгъ. АР-м лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет ипащэу Шъхьэлэхъоь Аскэр игущыIэ къыщыхигъэщыгъ, телевидениемрэ гъэзетхэмрэ наркотикхэр хэбзэнчъэу зэрагъэзекIохэрэм ыкIи зэрагъэфедэхэрэм фэгъахьыгъэ материалхэр къызэратырэр, ахэмэ япчъагъэ зэрэхагъэхъощтыр. Джащ фэдэу мы Iофым еплъыкIэу фыряIэхэр къырIотыкIыгъэх АР-м ныбжьыкIэ IофхэмкIэ и Комитет ипащэу М.Къэрэтэбаным, Мыекъуапэ районым ипащэу Е.Ковалевым, Тэхъутэмыкъуае районым ипащэ игуадзэу Б.ХьэпакIэм. Зэфэхьысыжьхэр зэхэсыгъом фишIызэ, ТхьакIущынэ Аслъан къызэрэугъоигъэхэм къафигъэпытагъ наркоманием епхыгъэ гумыкIыгъо зэрылъ унагъом пэпчъ унэсынэу, удэлэжьэнэу зэрэщытыр. Фаина Афашагова ИА НатПресс http://natpress.net/index.php?newsid=7357 Iоныгъом и 1-м ШIэныгъэм и Мафэм станицэу Джаджэм дэт еджапIэу № 1 Адыгэ Республикэм и ЛIышъхьэу ТхьакIущынэ Аслъан ихьэкIагъ. ЛIышъхьэм, ащ игъусагъэхэм къапэгъокIыгъэх район ыкIи къуаджэ администрацием иIофышIэхэр, кIэлэегъаджэхэр. Адыгэ республикэм и ЛIышъхьэ и пресс-къулыкъ къызэритырэмкIэ, еджэгъу илъэсыр зэраублагъэмкIэ кIэлэегъаджэхэм, кIэлэеджакIохэм ыкIи ахэмэ ятэ-янэхэм ТхьакIущынэ Аслъан афэгушIуагъ. Ащ зэрэхигъэунэфыкIыгъэмкIэ, аужырэ илъэсхэм гъэсэныгъэм Адыгеим сомэ миллион 600-м къехъу щыхалъхьагъ. Мы илъэсым, кIэлэегъаджэхэм ялэжьапкIэ процент 30 хэгъэхъогъэным фэшI, сомэ миллион 65 атIупщыщт. Чылагъо Iофхэр zara Thu, 01 Sep 2011 23:44:54 +0400 Iоныгъом и 1-м ШIэныгъэм и Мафэм станицэу Джаджэм дэт еджапIэу № 1 Адыгэ Республикэм и ЛIышъхьэу ТхьакIущынэ Аслъан ихьэкIагъ. ЛIышъхьэм, ащ игъусагъэхэм къапэгъокIыгъэх район ыкIи къуаджэ администрацием иIофышIэхэр, кIэлэегъаджэхэр. Адыгэ республикэм и ЛIышъхьэ и пресс-къулыкъ къызэритырэмкIэ, еджэгъу илъэсыр зэраублагъэмкIэ кIэлэегъаджэхэм, кIэлэеджакIохэм ыкIи ахэмэ ятэ-янэхэм ТхьакIущынэ Аслъан афэгушIуагъ. Ащ зэрэхигъэунэфыкIыгъэмкIэ, аужырэ илъэсхэм гъэсэныгъэм Адыгеим сомэ миллион 600-м къехъу щыхалъхьагъ. Мы илъэсым, кIэлэегъаджэхэм ялэжьапкIэ процент 30 хэгъэхъогъэным фэшI, сомэ миллион 65 атIупщыщт. Нахь игъэкIотыгъэу ТхьакIущынэ Аслъан мыгъэ апэрэу еджапIэм чIэхьагъэхэм афэгушIуагъ ыкIи псауныгъэ пытэ яIэу, еджэным гъэхъэгъэшIухэр щашIынэу афиIуагъ. - Илъсибл хъугъэ ти республикэ хабзэу дэгъу иIэ зэрэхъугъэр: Iоныгъом и 1 апэрэ классым чIэхьагъэхэм ящыкIэгъэщт Iэмэ-псымэхэр зыдэлъ портфелхэр аратынэу. Мыгъэ тэ ахэмэ къахэдгъэхъуагъ шIузэреджэщт тхылъхэри. Арышъ, пшъэрылъ шъхьаIэу шъуиIэр дэгъоу шъуеджэныр ары.- къариIуагъ кIэлэеджакIо цIыкIухэм ТхьакIущынэ Аслъан. ЕджапIэми Адыгэ Республикэм и ЛIышъхьэ шIухьафтын дэгъу фишIыгъ. Сомэ мин 200 зэрылъ сертификатыр аритыгъ. ЕджэпIэм гъэцэкIэжьын Iофхэр зэрашIыщтым тефэщт ахъщэр къаритынэу ыкIи 1 «б» классым игъэкIотыгъэу зэрэдеIэщтымкIэ кIэлэегъаджэхэмрэ кIэлэеджакIохэмрэ ТхьакIущынэ Аслъан къыгъэгугъагъэх.