» » » КАФФЕД епхыгъэ хэсэ тхьэматэхэм зэхэсыгъо яIагъ
КАФФЕД епхыгъэ хэсэ тхьэматэхэм зэхэсыгъо яIагъ 21:39 Пятница 0 2 404
4-02-2011, 21:39

КАФФЕД епхыгъэ хэсэ тхьэматэхэм зэхэсыгъо яIагъ



КАФФЕД епхыгъэ хэсэ тхьэматэхэм зэхэсыгъо яIагъ



Тыркуем ит Адыгэ Хасэхэм яфедерациеу "КАФФЕД" зыфиIорэм исовет, мэзищ къэс ышIырэ зичэзыу зэхэсыгъохэм яаужырэр щылэ мазэм и 23-м КАФФЕД-м иунэу Анкарэ дэтым щекIокIыгъ. ИкIыгъэ илъэсым хэсашъхьэм ыгъэцэкIагъэхэр зэфахьысыжьыгъэх, атегущыIагъэх ыкIи 2011-рэ илъэсым Iофэу агъэцэкIэщтхэр зэдаштагъэх.

Федарацием епхыгъэ хасэ 51-мэ ятхьаматэхэр е ягъэIорышIакIо купхэм ялIыкIохэр зыхэлэжьагъэу "КАФФЕД" итхаматэхэм язэхэсыгъоу сыхьатыр 9:30-м щегъэжьагъэу 18:00-ым нэс "КАФФЕД" игупчэ щырагъэкIокIыгъ ыкIи мыщ фэдэ зэIукIэхэр тапэкIэ Истанбул щызэхащэнхэу зэгурыIуагъэх.
Зэхэсыгъом щызэдаштагъэмэ ащыщ "КАФФЕД"-м игъэIорышIэкIо куп диаспорэм щыпсэурэ адыгэхэм яшIоигъоныгъэхэр зэрытыщт тхьапэ ыгъэхьазырынэу, тызыщыщым (терминэу "Черкес") ехьылIагъэу "академическэ комиссие" зэхэщэгъэнэу ыкIи 2011-рэ илъэсым, мэлылъфэгъу-жъоныгъуакIэ мазэхэм, "КАФФЕД"-ым бзылъфыгъэ зэхэс щызэхащэнэу.

Къэбэртэе-Бэлъкъар Республикэм щыхъурэ-щышIэхэрэм яхьылIагъэкIэ ащ ипрезидентэу Къанэкъо Арсен фэкIоу Тыркуем ис адыгэхэм хъурэ-шIэхэрэр агу къызэреорэр къыхэгъэщыгъэу, террор пстэуми зэрэпэуцужьыхэрэр ыкIи хабзэ зыхэлъ къэралыгъом ишIыкIэхэр зишапхъэмкIэ, мыхэмэ апэуцужьын амалэу щыIэхэм "КАФФЕД"-ым зэрэдыригъаштэрэр къэзгъэлъагъорэ тхыгъэ фагъахьынэу зэгурыIуагъэх. Мэзаим Дунэе Адыгэ Хасэм иIэщт зэIукIэм мы Iофыгъор зэхафыным пае ищыкIагъэкIэ алъытэщт зекIуакIэхэр къыхагъэщызэ, Iашъхьэтетхэм афэкIощт тхыгъэр агъэхьазырын зэрэфаер къыщаIощт. Мы Iофхэм яхьщырэу Тыркуем 1990-рэ илъэсхэм щыкIуагъэхэр, хэк1ып1э-ш1ык1эу щыIэхэр "КАФФЕД"-м цIыф къызэрыкIохэмрэ Iэшъхьэтетхэмрэ (КъБР-м исхэм) алъигъэ1асынэу унашъо ашIыгъ.

Егъэджэн-гъэсэныгъэ IофыгъохэмкIэ хасэхэм зэхащэрэ адыгэбзэ-абхъаз курсхэр гъэлъэшыгъэнэу ыкIи Тырку къэралыгъом иуниверситетхэм Iоф адашIэнэу, ныдэлъфыбзэхэм ядунэе мафэу мэзаим хэгъэунэфык1ырэр "КАФФЕД"-м епхыгъэ хасэхэмкIэ агъэмэфэкIынэу тыраубытагъ. Ащ нэмыкIэу, жъоныгъуак1эм и 21-м, адыгэ лъэпкъым ишъыгъо-ш1эжь мафэ Тыркуем ит къаэлэхэм ятхьэматэхэр къыхагъэлэжьэнхэу, цIыфыр нахьыбэу къызэIуагъэкIэным паекIэ гухэлъхэр ашIыгъэх.

Мы илъэсым ия 6-рэ мазэ Тыркуем щыкIощт хэдзынхэмкIэ "КАФФЕД" шIоигъохэм адезгъаштэу, депутат хъунэу фаехэм IэпIэIэгъу афэхъунхэу зэдаштагъ. Тыркуем ит нэмыкI общественнэ органэзациехэм зэхащагъэ "Демократичэскэ конституцием пае" зыфиIорэм конституциер заблахъунымкIэ амалэу иIэмкIэ чанэу хэлэжьэнхэу рахъухьагъ. США-м, Европэм, Тыркуем, Сирием, Израиль, Адыгеим, Къэбартэе-Бэлъкъарым, Къэрэчэй-Черкесым ыкIи Иорданием ащыщ бзэшIэныгъэлэжьхэр зыхэлэжьагъэхэ конференциеу апэдэдэ 2009-рэ илъэсым Иорданием щыкIуагъэм фэдэ ятIонэрэ зэ1ук1эгъур 2011-рэ илъэсым ия 10-рэ мазэ "КАФФЕД"-м ТыркуемкIэ зэхищэнэу ыIуагъ.

ЫкIэм Урысыем ицIыф хъунымкIэ щыIэ законхэм адиштэу диаспорэм пае Адыгеим ыгъэхьазырыгъэ социальнэ-культурнэ-экономическэ программэм Iоф дашIэным фытегъэпсыхьагъэу мы Iофым ехьылIагъэу Адыгеим щылажьэрэ къулыкъушIэхэм аIукIэнхэу ыкIи Iоф адашIэнэу рахъухьагъ.

КАФФЕД епхыгъэ хэсэ тхьэматэхэм зэхэсыгъо яIагъ

КАФФЕД епхыгъэ хэсэ тхьэматэхэм зэхэсыгъо яIагъ

КАФФЕД епхыгъэ хэсэ тхьэматэхэм зэхэсыгъо яIагъ

КАФФЕД епхыгъэ хэсэ тхьэматэхэм зэхэсыгъо яIагъ

КАФФЕД епхыгъэ хэсэ тхьэматэхэм зэхэсыгъо яIагъ





Загрузка...

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Кликните на изображение чтобы обновить код, если он неразборчив
Университет Мальмы в Швеции готовится провести черкесскую конференцию "Черкесы в 21-м веке: идентичность и выживание на родине и в диаспоре". 19:11 Суббота 0 5 724 Университет Мальмы в Швеции готовится провести черкесскую конференцию "Черкесы в 21-м веке: идентичность и выживание на родине и в диаспоре". Она пройдет 23-24 ноября 2017. Одним из партнеров проведения конференции является Черкесский культурный центр в Тбилиси. В беседе с "Кавказ.Реалии" известный шведский ученый-кавказовед, руководитель
В турецком университете Дюздже - выпуск специалистов по черкесскому языку. 16:55 Суббота 0 1 811 В турецком университете Дюздже - выпуск специалистов по черкесскому языку. В Университете Дюздже в Турции не так давно произошло знаковое событие, по непонятным мне причинам недостаточно оцененное в СМИ Республики Адыгея: впервые в истории высшего образования Турции

х