Бэлкъар лъэпкъыр Сталиным ихэку зэрэраригъэфыгъэр илъэс 65-рэ хъугъэ. Ащ фэгъэхьыгъэ шIэжь митинг гъэтхапэм и 8-м теIункIагъэкIэ зихэку чIэзынэгъэхэм ясаугъэтыу къалэу Налщыч дэтым ыпашъхьэ щашIыгъ.
Къэбэртэ – Бэлкъар респкбликэм ипрезидентэу Къанэкъо Арсен шIэжь мафэм ехъулIэу гукъэо тхылъ афигъэхьыгъ.
Бэлкъархэр 1944-рэ илъэсым гъэтхапэи и 8-м яхэгъэгу рафыгъэх. Нэбгырэ цIыф 37713 –рэ сыхьатитIукIэ яхэгъэгу чIанагъ. Ахэм ащыщ процент 52-рэр бзылъфыгъэх, 30-р кIэлэцIыкIух, 18-р хъулъфыгъэу уIагъэхэр тещагъэу заом къикIыжьыгъэхэр, лIыжъхэр. Нэбгырэ пчъагъэу зэхэсхэу, мэшIокухэм арыубагъэхэу Мэфэ 18- рэ гъогум тетыгъэх. Гъогум нэбгырэ 562-рэ телIыхьагъ. Ахэр Азие гузэгум, Казахстан ащагъэх. Илъэс 13 къынэуж ахэм ячIыгу къагъэзэжьыгъ.
www.kavkaznews.net