Адыгэ&nbsp;быракъым&nbsp;и&nbsp;Мафэ&nbsp;апэрэу&nbsp;мэлылъфэгъум&nbsp;и&nbsp;25-м&nbsp;агъэмэфэкIыгъ

30.04.2010 – 16:08 - Натпресс

Дунаим щыпсэурэ адыгэмэ ямэфэкIхэм джыри зы мафэ къахэхъуагъэу плъытэ хъущт. Дунэе Адыгэ Хасэр кIэщакIо фэхъуи, адыгэ быракъым и Мафэ апэрэу мэлылъфэгъум и 25-м агъэмэфэкIыгъ.

Адыгэ Республикэм икъэлэ шъхьаIэу Мыекъуапэ иплощадэу В.И. Лениным ыцIэ зыхьырэр мэфэкI шъуашэкIэ «фэпагъэу» щытыгъ. Республикэм культурэмкIэ и Министерствэ ишIуагъэкIэ пчэгум сценэшхоу къыщызэIуахы¬гъэм адыгэ быракъэу жъогъо 12-р, щэбзи 3-р къызыхэлыдыкIыхэрэр лъэгъупхъэу щаIэтыгъ. Адыгэ быракъхэр аIыгъэу къуаджэхэм къарыкIыгъэхэри пчэгум къихьагъэх.

Общественнэ движениеу «Адыгэ Хасэм» итхьаматэу Хьэпэе Арамбый зэхахьэр пэублэ гущыIэкIэ къы-зэIуихыгъ. Адыгэ быракъым и Мафэ тилъэпкъэгъухэм дунаим зэрэщыхагъэунэфыкIырэр гушIогъошхокIэ ылъытагъ. Адыгэ быракъыр Адыгэ хэгъэгум и Къэралыгъо быракъ хъугъэ. Зэлъэпкъэгъухэр зэфэзыщэрэмэ адыгэ быра¬къыр ащыщэу ащ къыIуагъ.

ШIэныгъэлэжьэу, адыгэ быракъым итарихъ изэгъэшIэн пылъэу Къуекъо Асфар мэфэкIым къыщы-гущыIагъ. НахьыпэкIэ адыгэмэ быракъым мэхьанэ ин зэрэратыщтыгъэр, зы быракъ тилъэпкъэгъумэ яIэ зэхъум нахь зэрэзэкъоуцуагъэхэр, зэпэуцужьыныгъэхэр адыгэ лъэпкъымэ къызыхамыгъэфэнхэм фэшI ягулъытэ къэзыIэтыгъэмэ адыгэ быракъыр зэращыщыр щыIэныгъэм къыхэхыгъэ щысэхэмкIэ къыIотагъэх.

СурэтышI-модельер цIэрыIоу, АР-м и Къэралыгъо шIухьафтын къызыфагъэшъошагъэу СтIашъу Юрэ адыгэ шъуашэу ыдыгъэхэм адыгэ быракъыр зэращигъэфедагъэр иIофшIагъэхэмкIэ къыгъэлъэгъуагъ. МГГТК-м истудентхэм адыгэ шъуашэхэр ащыгъэу сценэм къытехьагъэх. Мамырныгъэм игъэпытэн, лъэпкъхэр зэгурыIонхэм, зэзэгъыныгъэ азыфагу илъыным афэгъэхьыгъэ адыгэ шъуашэхэр псэ апытэу

къыбдэгущыIэхэрэм фэдэх. Адыгэ шъуашэхэу ООН-м, Адыгэ Республикэм афэгъэхьыгъэхэр зылъэгъугъэхэм лъэшэу ашIогъэшIэгъоныгъ.

Урысыемрэ Адыгэ Республикэмрэ ябыракъхэу пчэгум щаIэтыгъэхэм, гъатхэм зыкъыщызэIузы¬хыгъэ чъыгхэм пчэгур къагъэдахэщтыгъ. Зэхахьэм хэлэжьэрэ ныб¬жьыкIэхэм лъэпкъ шъуашэр зыщыгъэу ахэтыр бэ, мэфэкIым къекIолIагъэхэр дахэу фэпагъэх. Тыркуем, Сирием, Иорданием, Израиль, нэмыкIхэми къарыкIыжьыгъэ ти¬лъэпкъэгъухэри нэплъэгъум итых.

СтIашъу Яхьем, Бгъэнэ Алый, Бэрзэдж Убых, МэщфэшIу Нэдждэт, Бажь Кая, МэфэшIукъо Щангул, Едыдж Мэмэт, Нэпсэу Нихьад, Едыдж Батырай, Хъодэ Аднан, нэмыкI тилъэпкъэгъухэу хэкум къэзыгъэзэжьыгъэхэр нэгушIох, мэфэкIыр зэдагощы, къашъом хилъэ¬сагъэхэуи тэлъэгъух.

Республикэм культурэмкIэ иминистрэу Чэмышъо Гъазый, ащ иIофшIэгъухэу ШъэуапцIэкъо Аминэт, Шъхьэлэхъо Светланэ, Шэуджэн Бэлэ мэфэкIым гущыIэгъу тащыфэхъугъ. Нэбгырэ шъэ пчъа¬гъэ пчэгум къызэрихьагъэр, пчыхьэ¬зэхахьэм зэрэхэлажьэхэрэр ягуап.

- Апэрэу мэфэкIыр зэхэщагъэ хъугъэ, - къаIуатэ Чэмышъо Гъазыйрэ Хьэпэе Арамбыйрэ. - Тызыте-гущыIэмэ тшIоигъор едгъэ¬жьэгъэ Iофыр зэрэлъыдгъэкIо¬тэ¬щтыр ары.

ИскусствэхэмкIэ Адыгэ Республикэ колледжым, Адыгэ къэралыгъо университетым, Мыекъопэ къэралыгъо технологическэ университетым, нэмыкIхэми ясту¬дентхэр мэфэкIым щыуджыгъэх. Режиссер Iофыгъомэ афэгъэзэгъэ Къулэ Амэрбый ыгъэсэрэ кIэлэеджа¬кIохэр, икIалэхэр пчэгум къызэрэщышъуагъэхэм изакъоми, ащ фэдэ мэфэкIхэр лъэшэу тищы¬кIагъэхэу плъытэн фае. Къэлэшъэо Амина джыри цIыкIуми, адыгэ шъуашэр щыгъэу Чэмышъо Гъазый, нэмыкIхэми дахэу, узыIэпищэу къадэшъуагъ.

Адыгэ быракъым ифэшъошэ уасэ фэшIыгъэн зэрэфаери пчыхьэзэхахьэм къыхэщыгъэшъ, мэфэкIым тигъэшIыгъэ гупшысэхэм афэгъэхьыгъэ тхыгъэхэр «Адыгэ макъэм» къыхиутыщтых.

ДРУГИЕ НОВОСТИ

Еще новости по теме

11:08 Пятница 0 7 452 В Адыгее родители 597 детей получают ежемесячную выплату из маткапитала Ежемесячную выплату из материнского капитала могут получить семьи с доходами ниже двух региональных прожиточных минимумов на душу населения в месяц вне зависимости от очередности рождения ребенка

17:20 Четверг 0 10 460 Министр образования Адыгеи провел профориентационное занятие «Россия – мои горизонты» Евгений Лебедев провел занятия по теме «Россия в развитии: было, стало, будет» в рамках курса профориентационных занятий «Россия – мои горизонты» для восьмиклассников лицея № 35 и семиклассников

17:18 Четверг 8 054 По поручению Президента Российской Федерации прокурор Республики Адыгея Игорь Шевченко провел личный прием граждан

11:00 Среда 6 007 Новые меры поддержки семей, воспитывающих детей с инвалидностью обсудили за круглым столом.

17:20 Четверг 10 460 Министр образования Адыгеи провел профориентационное занятие «Россия – мои горизонты»

10:57 Среда 0 8 458 В Университете имени О.Е. Кутафина (МГЮА) прошло яркое мероприятие — День культуры Адыгского землячества! Событие посвящено «Жыщ дэс» — древнему обычаю, согласно которому одна семья приглашала к себе в гости молодёжь со всего селения. Так и в нашем Университете — участникам мероприятия были представлены

16:14 Четверг 0 3 769 Какие ограничения при осуществлении педагогической деятельности существуют в Адыгее Педагогической деятельностью могут заниматься лица, имеющие среднее профессиональное или высшее образование и соответствующие определенным квалификационным требованиям. Трудовое законодательство

15:13 Четверг 0 3 667 Почти 20 тысяч семей в Адыгее получают единое пособие в 2024 году Для удобства граждан государство принимает меры по утверждению единого порядка установления и выплаты пособий на детей. Одна из таких мер - введение с начала 2023 года ежемесячного пособия в связи с

15:09 Четверг 0 3 662 Отделение СФР по Республике Адыгея напоминает о мерах поддержки военнослужащих и членов их семей. Отделение Социального фонда России по Республике Адыгея оказывает особое внимание участникам специальной военной операции и напоминает о ряде социальных выплат и льгот, положенных военнослужащим и их