Тыркуем икъалэу Стамбул къикIыгъэ кIэлэцIыкIу къэшъокIо ансамблэу «Мафэр» мы мафэхэм Адыгэ Республикэм щыI. Тэхъутэмыкъое районым иконцертхэр къыщитыгъэх, мэкъуогъум и 29-м ансамблэр Мыекъуапэ къэкIощт.
Тыркуем къикIыгъэ кIэлэцIыкIухэм Адыгэ Республикэмрэ Краснодар краимрэ ячIыпIэ дахэхэр зэрагъэлъэ-гъугъэх. Ансамблэм хэтхэр Тэхъутэмыкъое районым икъуаджэхэм къащыуцугъэх, унагъохэм ащэпсэух. Мэкъуогъум и 27-м «Мафэмрэ» Инэм щызэхащэгъэ ансамблэу «Нэфымрэ» зэгъусэхэу концерт къатыщт, ар Инэм щыкIонэу щыт.
Республикэ общественнэ движениеу «Адыгэ Хасэм» хы ШIуцIэ Iушъом щыпсэурэ тилъэпкъэгъухэм, ансамблэу «Мыекъуапэ инэфылъэхэм», АР-м и Правительствэ икъулыкъушIэхэм, нэмыкIхэми «Мафэр» аIукIэщт. Бэдзэогъум и 2-м хьакIэмэ Тыркуем агъэзэжьыщт.
Сахьидэкъо Нурбый
Адыгэ Макъ